الەم • 24 قىركۇيەك، 2021

قىرعىزستان كابۋلعا دەلەگاتسيا جىبەردى

49 رەت كورسەتىلدى

قىرعىزستان ورتالىق ازيا ەلدەرىنەن العاش بولىپ اۋعانستانعا جوعارى دەڭگەيدەگى دەلەگاتسيا جىبەرىپ، بيلىكتى باسىپ العان «تاليبان» ۇكىمەتىمەن كەزدەسۋ وتكىزدى، دەپ جازادى Egemen.kz.

«اكيپرەسس» اگەنتتىگىنىڭ جازۋىنشا، قىرعىز رەسپۋبليكاسى قاۋىپسىزدىك كەڭەسى توراعاسىنىڭ ورىنباسارى تاالاتبەك ماسادىقوۆ پەن پرەزيدەنت اكىمشىلىگى سىرتقى ساياسات ءبولىمىنىڭ باسشىسى جەەنبەك كۋلۋباەۆ كابۋلعا كەلىپ، اۋعانستانداعى يسلام امىرلىگىنىڭ سىرتقى ىستەر ءمينيسترى ءامىر حان مۋتتاكيمەن كەزدەستى.

«تاليبان» تاراپى كەزدەسۋ فوتولارىن جاريالادى.

«بۇگىن تۇستەن كەيىن اۋعانستان يسلام رەسپۋبليكاسىنىڭ سىرتقى ىستەر ءمينيسترىنىڭ مىندەتىن اتقارۋشى ءامىر حان مۋتتاكي قىرعىزستان قاۋىپسىزدىك كەڭەسى توراعاسىنىڭ ورىنباسارى تاالاتبەك ماسادىقوۆپەن جانە پرەزيدەنتتىڭ سىرتقى ساياسات ءبولىمىنىڭ پرەزيدەنتى جەەنبەك كۋلۋباەۆپەن كەزدەستى. كەزدەسۋ كەزىندە مۋتتاكي ولاردى قارسى الىپ، كومەك كورسەتكەنى ءۇشىن العىسىن ءبىلدىردى»، دەپ جازدى تالىپتەر ۇكىمەتىنىڭ ءباسپاسوز حاتشىسى زابيحۋللا مۋجاحيد الەۋمەتتىك جەلىدەگى پاراقشاسىندا. 

قىرعىزستان ورتالىق ازيا ەلدەرىنەن العاش بولىپ اۋعانستانعا جوعارى دەڭگەيدەگى دەلەگاتسيا جىبەرىپ، بيلىكتى باسىپ العان «تاليبان» ۇكىمەتىمەن كەزدەسۋ وتكىزدى.

سوڭعى جاڭالىقتار

9 سۋ قويماسى سالىنادى

ەكولوگيا • كەشە

ۇقساس جاڭالىقتار