بىرىڭعاي اقپاراتتىق جۇيە ليتسەنزياسىنان ايىرىلعان بانكتەر سالىمشىلارى تىزىلىمدەرىن بىرىكتىرەدى. بۇل سالىمشىعا ليتسەنزياسىنان ايىرىلعان (تاراتىلىپ جاتقان) بارلىق بانكتەگى دەپوزيتتەر بويىنشا تولەنۋگە جاتاتىن كەپىلدىك بەرىلگەن وتەم سومالارىن تەكسەرۋگە جانە وسى بويىنشا ءبىر وتىنىشپەن وتەم الۋعا جول اشادى. سونىمەن قاتار سالىمشى جۇيەدەگى جەكە كابينەت ارقىلى ءوتىنىشىنىڭ ورىندالۋ مارتەبەسىن ءوز بەتىمەن قاداعالاۋ مۇمكىندىگىنە يە بولادى.
كەپىلدىك بەرىلگەن وتەمدى تولەمدەردىڭ ەلەكتروندى پورتالى ارقىلى الۋعا شوتتاردىڭ, كارتوچكالار مەن دەپوزيتتەردىڭ يەلەرى عانا ءوتىنىش بەرە الادى. ءوتىنىش ەلەكتروندى تسيفرلى قولتاڭبانىڭ كومەگىمەن بەرىلەدى. ودان ءارى بەينە جانە SMS-كود ارقىلى قوس فاكتورلى بيومەتريالىق سايكەستەندىرۋدەن ءوتۋ قاجەت. بۇل رەتتە SMS-كودتى الۋ ءۇشىن سالىمشىلاردىڭ ۇيالى تەلەفوندارى ءموبيلدى ازاماتتار بازاسىندا تىركەلگەن بولۋى كەرەك. تولىق نۇسقاۋلىق پورتالدا قولجەتىمدى.
سالىمشىلاردان ونلاين وتىنىشتەر قابىلداۋ كەزەڭ-كەزەڭمەن جۇزەگە اسىرىلادى. قازىرگى ۋاقىتتا جاڭا سەرۆيستى «قازينۆەستبانك» اق, «ەكسيمبانك قازاقستان» اق سالىمشىلارى پايدالانا الادى.
«قازينۆەستبانك» اق جانە «ەكسيمبانك قازاقستان» اق سالىمشىلارىنىڭ سەنىمحات بويىنشا وكىلدەرى, مۇراگەرلەرى جانە وزگە دە قۇقىق يەلەنۋشىلەرى وتەم الۋ ءۇشىن جازباشا ءوتىنىشتى قدكبق-عا تاپسىرادى.
بارلىق بانك وپەراتسيالارىن جۇرگىزۋ ليتسەنزياسىنان ايىرىلعان: «Delta Bank» اق, «Qazaq Banki» اق, «Tengri Bank» اق, «AsiaCredit Bank (ازياكرەديت بانك)» اق, «Capital Bank Kazakhstan» اق جانە «استانا بانكى» اق سالىمشىلارى ءۇشىن ءوتىنىشتى تولەمدەردىڭ ەلەكتروندى پورتالى ارقىلى بەرۋ مۇمكىندىگى الداعى ۋاقىتتا قولجەتىمدى بولادى.
«ۆاليۋت-ترانزيت بانك» اق سالىمشىلارى كەپىلدىك بەرىلگەن وتەمدى الۋ ءۇشىن قورعا نەمەسە بانكتىڭ تاراتۋ كوميسسياسىنا مىنا مەكەنجاي بويىنشا جۇگىنە الادى: قاراعاندى ق., بۇقار جىراۋ داڭعىلى, 51/4, تەلەفون:
8 (721) 299-64-05 (12).
سالىمشىلار تولەمدەردىڭ ەلەكتروندى پورتالىنىڭ جۇمىسى بويىنشا وزدەرىنىڭ ەسكەرتۋلەرى مەن ۇسىنىستارىن kdif@kdif.kz ەلەكتروندى پوشتاسىنا جىبەرە الادى. قور وسىلايشا بەلسەندىلىك تانىتقان سالىمشىلارعا ريزاشىلىعىن بىلدىرەدى.
