«ارسەلورميتتال تەمىرتاۋ» اق باس ديرەكتورى بيدجۋ ناير كاسىپورىننىڭ ۆاكتسينالاۋ كورسەتكىشى ArcelorMittal كومپانيالار توبىنىڭ ەڭ جوعارى كورسەتكىشتەرنىڭ ءبىرى ەكەنىن اتاپ ءوتتى. كومپانيا باسشىسى قىزمەتكەرىلەرىنە ۆاكتسينا سالدىرۋعا كەلگەندە تۇسىنىستىك تانىتىپ, جاۋاپكەرشىلىكپەن قاراعانى ءۇشىن العىسىن ءبىلدىردى.
– ۆاكتسينا العانداردىڭ 90 پايىزى – 32 مىڭنان اسا قىزمەتكەرىمىز جانە مەردىگەر ۇيىمداردىڭ 4 مىڭنان اسا جۇمىسكەرى. ءبىز ءۇشىن بۇل – ۇلكەن جەڭىس! – دەدى ول.
«ارسەلورميتتال تەمىرتاۋ» اق باسشىلارىنىڭ ءبارى كوروناۆيرۋس ينفەكتسياسىنا قارسى ەكپە الدى.
بيدجۋ ناير ەلباسى – نۇرسۇلتان نازارباەۆتىڭ, قازاقستان رەسپۋبليكاسىنىڭ پرەزيدەنتى قاسىم-جومارت توقاەۆتىڭ, سونداي-اق پرەمەر-مينيستر اسقار مامين باسقارعان ەل ۇكىمەتىنىڭ ەگۋ ناۋقانىن ۇيىمداستىرۋداعى ءرولىن ەرەكشە اتاپ ءوتتى.
– قازاقستان – ۆاكتسينالار قولجەتىمدى, سونداي-اق ولاردى تاڭداۋ مۇمكىندىگى بەرىلگەن الەمدەگى ازداعان ەلدەردىڭ ءبىرى. ونىڭ ىشىندە وتاندىق ۆاكتسينا دا ازىرلەندى, – دەدى ول.
بيدجۋ ناير كومپانيا قىزمەتكەرلەرىنىڭ ۆاكتسينا قابىلداۋىن ۇيىمداستىرۋعا بەلسەندى كومەكتەسكەنى ءۇشىن قاراعاندى وبلىسىنىڭ اكىمى جەڭىس قاسىمبەككە دە العىس ايتتى. ەگۋ پۋنكتتەرى كاسىپورىندار اۋماعىندا اشىلىپ, مەديتسينا قىزمەتكەرلەرى بارلىق قاجەتتى جابدىقتارمەن قامتاماسىز ەتىلدى.
بيدجۋ ناير COVID-19-عا قارسى ءالى ۆاكتسينا الماعان ادامداردى جاقىن ارادا ەگىلۋگە شاقىردى. ول ۆاكتسينالاۋ ادام ءومىرىن ساقتاۋدىڭ جالعىز جولى ەكەنىن ەسكە سالدى.
