جارىسقا قازاقستان, وزبەكستان جانە قىرعىزستان تجم قۇتقارۋ بولىمشەلەرى جانە قر ازاماتتىق قورعانىس اسكەري ءبولىمىنىڭ اسكەري قىزمەتشى-قۇتقارۋشىلارى قاتىسىپ جاتىر.
جارىس 3 قاشىقتىقتى, اتاپ ايتقاندا «تەحنوگەندىك اپاتتار جاعدايىنداعى ىزدەستىرۋ-قۇتقارۋ جۇمىستارى» ديستانتسياسى, «اكۆاتوريادا ىزدەستىرۋ-قۇتقارۋ جۇمىستارى» قاشىقتىعى, «تابيعي ورتا جاعدايىنداعى ىزدەستىرۋ-قۇتقارۋ جۇمىستارى» ديستانتسياسى قامتيدى.
ءبىرىنشى كۇنى قاتىسۋشىلار «تەحنوگەندىك اپاتتار جاعدايىنداعى ىزدەستىرۋ-قۇتقارۋ جۇمىستارى» قۇتقارۋ كوپسايىسى بويىنشا قاشىقتىقتار مەن «كروسس» جانە «كەشەندى كۇشتىك جاتتىعۋلار» اسكەري-قۇتقارۋ ءۇشسايىسى بويىنشا سىننان وتەدى.
«ماقسات – ىزدەستىرۋ-قۇتقارۋ, اۆاريالىق-قۇتقارۋ جۇمىستارىن جۇرگىزۋ داعدىلارىن جەتىلدىرۋ جانە جەدەل-قۇتقارۋ جاساقتارى اراسىنداعى ءوزارا ءىس-قيمىلدى پىسىقتاپ, اۆاريالىق-قۇتقارۋ قۇرالدارى مەن تەحنيكاسىن پايدالانۋدىڭ وزىق ءادىسىن مەڭگەرۋ, ىزدەستىرۋ-قۇتقارۋ جۇمىستارىن جۇرگىزۋ تاجىريبەسىمەن الماسۋ, قۇتقارۋشىلاردىڭ كاسىپتىك دايارلىعىن جەتىلدىرۋ», دەپ جازادى تجم ءباسپاسوز قىزمەتى.
جارىستار 23-27 قىركۇيەك ارالىعىندا وتەدى.
