اتاپ ايتقاندا, ازاماتتىق قىزمەتشىلەردىڭ, مەملەكەتتىك بيۋدجەت قاراجاتى ەسەبىنەن ۇستالاتىن ۇيىمدار قىزمەتكەرلەرىنىڭ, قازىنالىق كاسىپورىندار قىزمەتكەرلەرىنىڭ تاريفتىك مولشەرلەمەلەرى:
- جوعارى جانە (نەمەسە) جوعارى وقۋ ورنىنان كەيىنگى ءبىلىم بەرۋ ۇيىمدارىنان باسقا, ءبىلىم بەرۋ ۇيىمدارىنىڭ پەداگوگتەرى;
- مەملەكەتتىك ۇيىمداردىڭ: ستاتسيونارلىق جانە جارتىلاي ستاتسيونارلىق ۇلگىدەگى مەديتسينالىق-الەۋمەتتىك مەكەمەلەردىڭ, ۇيدە قىزمەت كورسەتۋ, ۋاقىتشا بولۋ ۇيىمدارىنىڭ, جۇمىسپەن قامتۋ ورتالىقتارىنىڭ باسقارۋشىلىق, نەگىزگى پەرسونالدارىنىڭ قىزمەتكەرلەرى;
- مەديتسينا جانە فارماتسەۆتيكا قىزمەتكەرلەرى مدۇ-نىڭ بەلگىلەنگەن مولشەرىنە تۇزەتۋ كوەففيتسيەنتىن قولدانا وتىرىپ ايقىندالادى:
2022 جىلعى 1 قاڭتاردان باستاپ 1,23;
2023 جىلعى 1 قاڭتاردان باستاپ 1,45;
2024 جىلعى 1 قاڭتاردان باستاپ 1,71;
2025 جىلدىڭ 1 قاڭتارىنان باستاپ 2,0 مولشەرىندە.
قۇجاتتان كورىنىپ تۇرعانداي, ۇيىمدار قىزمەتكەرلەرىنىڭ تاريفتىك مولشەرلەمەلەرى اتقاراتىن لاۋازىمدارىن فۋنكتسيونالدىق بلوكتارعا جاتقىزۋعا جانە ماماندىعى بويىنشا جۇمىس وتىلىنە, بەرىلگەن بىلىكتىلىك رازريادتارىنا (جۇمىسشىلار ءۇشىن) قاراي ەسەپتەۋ ءۇشىن بەكىتىلگەن ءتيىستى كوەففيتسيەنتتەردى بازالىق لاۋازىمدىق ايلىقاقى مولشەرىنە كوبەيتۋ جولىمەن ايقىندالادى.
پەداگوگتەردىڭ جەكەلەگەن ساناتتارى ءۇشىن تاريفتىك مولشەرلەمەلەر اپتاسىنا بەلگىلەنگەن وقۋ جۇكتەمەسى نەگىزىندە ايقىندالادى.
زاڭناماعا سايكەس ەرەكشە مارتەبە بەرىلگەن مەملەكەتتىك جوعارى وقۋ ورىندارىنىڭ ماماندارى مەن قىزمەتشىلەرىنىڭ تاريفتىك مولشەرلەمەلەرى مدۇ-نىڭ بەلگىلەنگەن مولشەرىنە ارتتىرۋ كوەففيتسيەنتىن قولدانا وتىرىپ ايقىندالادى.
قاۋلىنى 2022 جىلعى 1 قاڭتاردان باستاپ قولدانىسقا ەنگىزۋ جوسپارلانۋدا.
قۇجات جوباسى 6 قازانعا دەيىن «اشىق نقا» سايتىندا جاريا تالقىلاۋ ءۇشىن ورنالاستىرىلعان.
