2020 جىلعى 8 قازاندا كەڭەستىڭ وتىرىسى ونلاين رەجيمدە وتكەن ەدى.
ۇيلەستىرۋ كەڭەسىنىڭ وتىرىسى جىلىنا كەمىندە ءبىر رەت وتكىزىلەدى. كەزەكتەن تىس وتىرىستار ونىڭ مۇشەلەرىنىڭ جارتىسى كەلىسكەن كەزدە كەڭەستىڭ ءبىر نەمەسە بىرنەشە مۇشەسىنىڭ باستاماسى بويىنشا شاقىرىلۋى مۇمكىن.
وتىرىستىڭ كۇن ءتارتىبى تمد جوعارى ورگاندارىنىڭ ءتيىستى شەشىمدەرى, كمك مۇشەلەرىنىڭ ۇسىنىستارى نەگىزىندە قالىپتاستىرىلادى.
ايتا كەتەيىك, تمد باس پروكۋرورلارىنىڭ ۇيلەستىرۋ كەڭەسى 1995 جىلعى 7 جەلتوقساندا قۇرىلعان. 2000 جىلعى 25 قاڭتارداعى تمد قاتىسۋشى-مەملەكەتتەرىنىڭ مەملەكەت باسشىلارى كەڭەسىنىڭ شەشىمىمەن وعان تمد مەملەكەتارالىق ورگانى مارتەبەسى بەرىلدى. وسى قۇجاتقا قازاقستان, ازەربايجان, ارمەنيا, بەلارۋس, گرۋزيا, قىرعىزستان, مولدوۆا, رەسەي فەدەراتسياسى, تاجىكستان جانە ۋكراينا قول قويعان.
