كينو • 23 قىركۇيەك، 2021

ۋاقىت كەرى قايتپايدى

79 رەت كورسەتىلدى

كەيىنگى ۋاقىتتا كينووندىرىسىندە كلاس­سيكالىق تۋىندى دەپ مويىندالعان بۇكىل­حالىقتىق قۇرمەتكە يە بەلگىلى «برەند» فيلم­دەردى زامانعا لايىقتاپ قايتا ەكران­داۋ ءۇردىسى كۇرت قانات جايا باستادى. بۇل ءۇردىس قاۋىپتى مە، الدە ءبىر قاراۋعا قى­زىق پا، تانىمال ءفيلمدى قايتا ءتۇسىرۋدىڭ كو­رەر­مەنگە پايداسى بار ما، الدە زياندى ما، بۇل تاراپتا ەشكىم ناقتى بايلام جاساي المايدى. الايدا گولليۆۋد باس­تاپ، رەسەي قوشتاعان كينو الەمىندەگى جاڭا­شىل ۇردىستەن قازاقستان رەجيسسەرلەرى دە تىس­قارى قالا المايتىنىن تانىتىپ ۇلگەرگەن-ءدى.

«كاۆكازدىڭ تۇتقىن قىزى»، «قىزمەتتەستەر حيكاياسى»، «تاعدىر تالكەگى نەمەسە جەڭىل بۋىڭىزبەن!»، «ون ەكى ورىندىق»، «تىنىق دون» قايتا ءتۇسىرىلىپ، رەسەي قوعامى قاق جا­رىلعان پىكىر تاسقىنىنىڭ استىندا قالعان­دا، ءبىزدىڭ كينەماتوگرافيادا «مەنىڭ دە اتىم قوجا» پايدا بولدى. كينونىڭ توقىراۋى ياكي رەجيسسەردىڭ سارقىلۋى، بالكىم پايدا تابۋدىڭ كوزى ەكەنى بەلگىسىز، ەسكى ءفيلمدى قايتا ەكرانداۋ ءۇردىسىنىڭ ىشىنەن «ماحاببات بەكەتى» ءفيلمى دە تابىلدى. وسىدان وتىز جىل بۇرىنعى العاشقى مەلودرامامىزدا باس­تى رولدە ويناعان بايان الاگوزوۆا فيلم اتاۋىن «تاعدىر تالكەگى» دەپ اۋىستىرىپ، ۇستىنە جارقىراتىپ شاپان جاۋىپ، اياعىنا جالتىراتىپ كەبىس كيگىزىپ، ءفيلمنىڭ بۇرىن­عى رەجيسسەرى تالعات تەمەنوۆتىڭ تۋىن­دىسى­نا قاتىسى جوق جاڭا جوبا ەكەنىن دالەلدەپ، ءبىرىن-ءبىرى سوتتىڭ الدىنا دەيىن سۇيرەپ بارسا دا، ءوز اكەسىنىڭ كىندىگىنەن جارالعان بالانىڭ ادالدىعى سياقتى، بۇل حيكايا ءبارىبىر باياننىڭ ەمەس، «تەمەنوۆتىڭ ءتول بالاسى» ەكەنىن جاسىرا الماي، ورال مەن گۇلنازدىڭ جاستىق شاعىن كورەرمەننىڭ ەسىنە سالدى دا تۇردى. ەندىگى كەزەك، مىنە، ء«بىزدىڭ سۇيىكتى دارىگەرگە» دە جەتتى.

«ماحاببات بەكەتىندە» ويناعان كەيىپكەرلەر تىم جاس ەدى، ولار ونەر كورىگىن ومىردە ءالى دە قىزدىرىپ جۇرگەن ادامدار، سوندىقتان قاتارىنا نۇقسان كەلمەي، توبىمەن كەلىپ جاڭا جوبانىڭ ىشىنەن تابىلدى. ال تۇسىرىلگەنىنە الپىس جىلدان اسقان ء«بىزدىڭ سۇيىكتى دارىگەردىڭ» ەكىنشى تىنىسىن اشامىز» دەپ الاقان ىسقىلاپ وتىرعانداردىڭ شاقىرۋىنا «ەڭبەك ەرى» اتاعىنا قول جەتكىزگەن كينو ارداگەرى، جاسى جۇزگە تاياعان يۋري پومەرانتسەۆ ەلپىلدەپ بارا قويا ما جانە قارت ارتىستەن وزگە قازاقستاندا كوزى ءتىرى بىردە-ءبىر اكتەر قالعان جوق. ءبىرى باقي­لىق بولعان، ءبىرى باسقا ەلگە كوشىپ كەتكەن، سوندىقتان ءتۇسىرىلىمى ەندى باستالعان سۇيىكتى دارىگەر تۋرالى ءفيلمنىڭ توڭىرەگىندە تۋىنداپ جاتقان سۇراق كوپ.

كلاسسيكالىق تۋىندىلاردى ەكى بۋىن ال­ماس­قان سوڭ، اراعا 50-60 جىلدى وتكىزىپ بارىپ، قايتا قوزعاۋ ۋاقىتتىڭ كۇشىن كورسەتۋدەن بۇرىن كورەرمەن تارتۋدىڭ جەڭىل جولىنا كوبىرەك ۇقسايدى. بۇل ءۇردىستىڭ استارىندا ۇلتتىڭ مادەني بايلىعى ەسەپتەلەتىن ەسكى كلاسسيكا ۇمىتىلىپ كەتپەي، جاڭا بوياۋ تاۋىپ، جاس بۋىن كورەرمەننىڭ ساناسىندا ءجۇر­سىن­شى دەگەن يگى ماقسات جاتسا، ءسوزسىز قۇپتاۋعا بولار ەدى. بىراق يدەياسى مەن سيۋجەتىندە كوبىنەسە كەيىپكەرلەردىڭ كەيىنگى ومىرىنەن سىر شەرتكىسى كەلەتىن فيلمدەرگە قاراپ وتىرىپ، مۇنداي مۇراتتى ەمەس، كەيىنگى جاستاردىڭ ءوزىن ءوزى تانىتقىسى كەلۋگە تالپىنۋىن كورەمىز. سىپايى تۇردە مۇنى كەيىنگى جاس رەجيسسەرلەردىڭ باتىلدىعى دەپ-اق باعالايىقشى. ءتىپتى كوزسىز باتىرلىق بولسىن، ۇردا-جىق مىنەزدىڭ جاڭعىرىعى دەسەك تە جاراسار. اسا كوپ ىزدەنبەي-اق، سارساڭعا ءتۇسىپ سونى سيۋجەت قۇراستىرماي-اق، از قارجى سالا وتىرىپ، مول تابىسقا كەنەلگىسى كەلۋ. بۇدان رەجيسسەر مەن اكتەردىڭ «كەشەگى ماقتاۋلى شەبەرلەر مەن توبەگە كوتەرگەن تالانتتاردان مەنىڭ دە تالانتىم ءبىر مىسقال كەم ەمەس» دەگەن كەۋدەمسوقتىققا كوبىرەك ۇقسايتىنىن نەسىنە جاسىرامىز؟

بۇكىل حالىقتىڭ ساناسىنا سىڭگەن تانىمال تۋىندىنى جاڭعىرتىپ، وزگەرتىپ، جاڭا قىرىنان كورسەتەمىن دەۋ – بۇگىنگى رەجيسسەرلەرگە ۇلكەن سىن. ولاردىڭ بۇل سىناقتان ابىرويلى ءوتىپ جاتقاندارى دا نەكەن-ساياق. «كوشتەن قالمايمىن» دەگەن قارقىنمەن ەرتەڭ «قىز جىبەكتى» قايتا تۇسىرەمىن دەيتىندەر دە تابىلىپ قالۋى ابدەن مۇمكىن. بىراق «قىز جىبەكتى» قايتا تۇسىرگەننەن قوزى كورپەش پەن بايان سۇلۋ، ەڭلىك پەن كەبەك تۋرالى جاڭا ماحاببات داستاندارىن ەكرانداپ، «قىز جىبەكتىڭ» دەڭگەيىنە جەتكىزسە، شىن مىقتىلىق، شىن باتىرلىق سول بولار ما ەدى؟

ادەبيەت، تەاتر تۋىندىسى بولسا ءبىر ءسارى، ال كينوداعى رەمەيك بارلىق كەزدە ريزاشىلىققا بولەنىپ، ءساتتى بولا بەرمەيدى. سەبەبى كورەرمەن كارتينانىڭ زاماناۋي جالعاسىن بۇرىنعى ءفيلمدى كوز الدىنا ەلەستەتىپ وتىرىپ كورەدى. بۇل ءبىر جاعى.

ەكىنشىدەن، ەگەر رەجيسسەر ناعىز سۋرەتكەر بولسا، بىرەۋدىڭ دايىن دۇنيەسىن يەمدەنبەي، دارا جول ىزدەيدى. تىڭ تاقىرىپتار تابۋعا، جاڭا اكتەرلەردى اكەلۋگە، جاڭا ەسىم اشۋعا تىرىسار ەدى. ەجەلگى ءپالساپاشىلار ايتپاقشى، «ادام ءبىر وزەننەن ەكى رەت وتە المايدى». سەبەبى بايىز تاپپاي جاڭالانىپ جاتقان الەمدە وتكەن ۋاقىت كەرى قايتپايدى...

سوڭعى جاڭالىقتار

دوللار قىمباتتاپ بارادى

قارجى • بۇگىن، 11:20

لوماچەنكودان قازىردەن قاشىپ وتىر

كاسىپقوي بوكس • بۇگىن، 10:35

«ۇزدىكتەردىڭ ۇزدىگى» انىقتالدى

ۇلتتىق سپورت • بۇگىن، 10:12

«قىزىل» ايماقتا ءبىر عانا ءوڭىر قالدى

كوروناۆيرۋس • بۇگىن، 09:52

كوگەرشىندەر كورمەسى

ايماقتار • بۇگىن، 09:44

مىندەتتى قارسىلاس اتاندى

بوكس • بۇگىن، 09:42

تاۋەلسىزدىك تاسپاسى تاراتىلادى

تاۋەلسىزدىكتىڭ 30 جىلدىعى • بۇگىن، 09:40

قپل-ءدىڭ قىمبات فۋتبولشىلارى

فۋتبول • بۇگىن، 09:38

اردا ازاماتتىڭ ەسىمى ەل ەسىندە

قازاقستان • بۇگىن، 09:29

قوزىباەۆ كابينەتى اشىلدى

قازاقستان • بۇگىن، 09:28

«قىزىل ايماقتان» قۇتىلا الماي تۇرمىز

كوروناۆيرۋس • بۇگىن، 09:23

ەلدى امان الىپ قالاتىن ەكپە عانا

كوروناۆيرۋس • بۇگىن، 09:21

ەپيداحۋال تۇراقتالىپ كەلەدى

كوروناۆيرۋس • بۇگىن، 09:19

ۇقساس جاڭالىقتار