ايماقتار • 22 قىركۇيەك، 2021

دارىگەرلەرگە ارنالعان اللەيا اشىلدى

38 رەت كورسەتىلدى

الماتى وبلىسىندا كوروناۆيرۋسپەن كۇرەسكەن مەديتسينا قىزمەتكەرلەرىنىڭ قۇرمەتىنە «اياۋلى الاقان» اللەياسى اشىلدى، دەپ جازادى Egemen.kz.

تالدىقورعان قالاسىنىڭ وبلىس ورتالىعى مارتەبەسىن العانىنا 20 جىل تولۋىنا وراي، جاڭا اللەيا اشىلدى. وعان دارىگەرلەردىڭ پاندەميا كەزىندەگى جانكەشتى ەڭبەگىنە العىس رەتىندە «اياۋلى الاقان» ءمۇسىنى قويىلدى. ءمۇسىننىڭ بيىكتىگى - 1،2 م، ۇزىندىعى - 3،8 م، ەنى - 2،8 م. 

«پاندەميانىڭ العاشقى كۇندەرىنەن-اق ەلباسى ۇندەۋىمەن ەلىمىز بىرىگىپ، ىندەتتى جەڭۋگە جۇمىلدى. قيىن جاعدايدا مەديتسينا قىزمەتكەرلەرى الدىڭعى قاتاردا كۇرەسكەندەردىڭ ءبىرى بولدى. بۇگىنگى اشىلعان «اياۋلى الاقان» ءمۇسىنى اسا قاۋىپتى ىندەتپەن بەتپە-بەت كەلگەن مەديتسينا سالاسى قىزمەتكەرلەرىنىڭ قۇرمەتىنە ارنالادى. بۇل – ەل قۇرمەتىنىڭ بەلگىسى، ىستىق ىقىلاسىنىڭ كورىنىسى. ەسكەرتكىش ەل باسىنا قيىندىق تۋعان ساتتە قاھارماندىق كورسەتكەن جانداردىڭ رۋحىنا تاعزىم ەتۋ ورنىنا اينالادى»، دەدى الماتى وبلىسى اكىمى ءارى جوبا اۆتورى اماندىق باتالوۆ. 

ىندەت كەزىندە وبلىستاعى 31 مەديتسينالىق ۇيىم، امبۋلاتوريالىق جانە ستاتسيونارلىق دەڭگەيدە 3455 مەديتسينا قىزمەتكەرى جۇمىلدىرىلعان. 900-گە جۋىق مەديتسينا قىزمەتكەرى كوروناۆيرۋسپەن اۋىرىپ، 14-ءى كوز جۇمعان.

سوڭعى جاڭالىقتار

الماتى تۇرعىندارى سۋسىز قالدى

ايماقتار • بۇگىن، 15:57

كانەلونى اۋىر شايقاس كۇتىپ تۇر

كاسىپقوي بوكس • بۇگىن، 12:18

ۇقساس جاڭالىقتار