تمد-عا قاتىسۋشى مەملەكەتتەر قارۋلى كۇشتەرىنىڭ بىرلەسكەن بايلانىس جۇيەسى تۋرالى كەلىسىم 2020 جىلعى 29 مامىردا جاسالدى.
ونىڭ نەگىزگى مىندەتتەرى: قارۋلى كۇشتەر باسقارۋ جۇيەسىندە جانە قارۋلى كۇشتەر اراسىندا تالاپ ەتىلەتىن بايلانىس قىزمەتتەرىن ۇسىنۋ ءارى اقپاراتتىڭ بارلىق تۇرلەرىمەن الماسۋدى قامتاماسىز ەتۋ;
تاۋەلسىز مەملەكەتتەر دوستاستىعى فورماتىندا قۇرىلعان اسكەري سالاداعى ءوزارا ءىس-قيمىلدىڭ بىرىككەن جۇيەلەرىنىڭ جۇمىس ىستەۋىن قامتاماسىز ەتۋ, بايلانىسقا ورتاق پايدالانىلاتىن ۇلتتىق بايلانىس جەلىلەرى مەن ارنايى ماقساتتاعى بايلانىس جەلىلەرىمەن قاجەتتى ۇيلەسىمدىلىككە قويىلاتىن تالاپتاردىڭ ورىندالۋىن قامتاماسىز ەتۋ;
«بىرلەسكەن بايلانىس جۇيەسىنىڭ جۇمىس ىستەۋىن قامتاماسىز ەتۋ ماقساتىندا تاراپتاردىڭ وكىلەتتى ورگاندارى وسى كەلىسىمگە قاتىسۋشى مەملەكەتتەردىڭ قورعانىسقا مۇقتاج جانە قاۋىپسىزدىكتى قامتاماسىز ەتۋ ءۇشىن بايلانىس قىزمەتتەرىن كورسەتۋگە بايلانىستى قاتىناستاردى رەتتەيتىن نورماتيۆتىك-قۇقىقتىق اكتىلەرىنە سايكەس, وسى كەلىسىمگە قاتىسۋشى مەملەكەتتەر قارۋلى كۇشتەرىنىڭ بايلانىس جەلىلەرى رەسۋرستارىن پايدالانا الادى. بىرىڭعاي تەحنيكالىق تاسىلدەر جانە قازىرگى زامانعى اسكەري تەحنيكامەن, بايلانىس جابدىعىمەن باسىم تۇردە جاراقتاندىرۋ نەگىزىندە قۇرىلىپ جاتقان بايلانىستىڭ بىرلەسكەن جۇيەسى مەملەكەتتەر قارۋلى كۇشتەرىنىڭ جاۋىنگەرلىك دايارلىعىن ارتتىرادى», دەدى قر قورعانىس ءمينيسترىنىڭ ورىنباسارى تيمۋر داندىباەۆ.
