الەم • 22 قىركۇيەك، 2021

نيۋ-يوركتە بۇۇ باس اسسامبلەياسىنىڭ 76-شى سەسسياسى اشىلدى

35 رەت كورسەتىلدى

قر پرەمەر-ءمينيسترىنىڭ ورىنباسارى – سىرتقى ىستەر ءمينيسترى مۇحتار تىلەۋبەردى باستاعان قازاقستاندىق دەلەگاتسيا 21-27 قىركۇيەك ارالىعىندا نيۋ-يوركتە وتەتىن بۇۇ باس اسسامبلەياسىنىڭ 76-سەسسياسىنا قاتىسادى، دەپ جازادى Egemen.kz.

بۇۇ باس اسسامبلەياداعى سەسسياسىنىڭ تاقىرىبى «جاقسىلىققا سەنىپ، توزىمدىلىكتى نىعايتۋ». كۇن تارتىبىندەگى نەگىزگى ماسەلەلەر: COVID-19 پاندەمياسىمەن كۇرەس، جاھاندىق قاۋىپسىزدىك پەن تۇراقتىلىق، ورنىقتى دامۋ، سونداي-اق كليماتتىڭ وزگەرۋى. سونىمەن قاتار اۋعانستانداعى جاعدايعا ەرەكشە نازار اۋدارىلاتىن بولادى.

سەسسيا شەڭبەرىندە ازىق-ت ۇلىك جۇيەلەرى جونىندەگى سامميت، ەنەرگەتيكا جونىندەگى جوعارى دەڭگەيدەگى ديالوگ، COVID-19 جونىندەگى جاھاندىق سامميت، تەڭىزگە شىعا المايتىن دامۋشى ەلدەر توبىنا مۇشە مەملەكەتتەردىڭ مينيسترلىك كەزدەسۋى، يادرولىق سىناقتارعا جان-جاقتى تىيىم سالۋ تۋرالى شارتتىڭ كۇشىنە ەنۋىنە جاردەمدەسۋ جونىندەگى مينيسترلىك كونفەرەنتسياسى وتەدى.

قازىرگى سەسسيا گيبريدتى رەجيمدە ءوتىپ جاتىر. نيۋ-يوركتە 120-عا جۋىق مەملەكەت وكىلى پىكىرتالاسقا قاتىسادى. بۇۇ-عا مۇشە 196 ەلدىڭ مەملەكەت، ۇكىمەت، سىرتقى ساياسي ۆەدومستۆو باسشىسى مەن جوعارى وكىلى ءسوز سويلەيدى. قازاقستان رەسپۋبليكاسىنىڭ اتىنان بەينە ۇندەۋ فورماتىندا مەملەكەت باسشىسى قاسىم-جومارت توقاەۆ ءسوز سويلەيدى.

«قازاقستاننىڭ سىرتقى ساياسي ۆەدومستۆوسى باسشىسىنىڭ باعدارلاماسىندا بىرقاتار ەكىجاقتى كەزدەسۋ مەن كوپجاقتى ءىس-شاراعا قاتىسۋ جوسپارلانعان. ءبىرىنشى كۇنى مينيستر م.تىلەۋبەردى ليتۆا سىرتقى ىستەر ءمينيسترى گابريەليۋس لاندسبەرگيس، سينگاپۋر سىرتقى ىستەر ءمينيسترى ۆيۆيان بالاكريشنان، اۋستريا سىرتقى ىستەر ءمينيسترى الەكساندر شاللەنبەرگ، سيريا سىرتقى ىستەر ءمينيسترى فەيسال ميكداد جانە چەرنوگوريا سىرتقى ىستەر ءمينيسترى دجوردجە رادۋلوۆيچپەن ەكىجاقتى بولەك كەلىسسوزدەر جۇرگىزدى. سونىمەن قاتار، مينيستر اۋستريا كانتسلەرى سەباستيان كۋرتس ۇيىمداستىرعان «اۋعانستان حالقىن، اسىرەسە اۋعانستان مەن وڭىردەگى ايەلدەر مەن بالالاردى قورعاۋ» اۋعانستان بويىنشا جوعارى دەڭگەيدەگى دوڭگەلەك ۇستەلگە قاتىستى»، دەپ جازادى ءسىم ءباسپاسوز قىزمەتى.

 
سوڭعى جاڭالىقتار

9 سۋ قويماسى سالىنادى

ەكولوگيا • كەشە

ۇقساس جاڭالىقتار