بيلەتتەردىڭ سانى شەكتەۋلى جانە قاتاڭ رەتتەلەدى. كىرۋ ASHYQ جۇيەسى ارقىلى (كەلۋشىلەردىڭ «جاسىل» مارتەبەسى بولعان جاعدايدا عانا) جۇزەگە اسادى. بۇل شەشىم ارەنانىڭ تولۋىن باقىلاۋعا جانە وتىرۋ ەرەجەلەرىن ساقتاۋعا كومەكتەسەدى. كورەرمەندەر ماسكا رەجيمى مەن الەۋمەتتىك قاشىقتىقتى ساقتاۋى كەرەك.
نەگىزگى كەزەڭ ماتچتارىنىڭ بيلەتتەر قۇنى - 3000 تەڭگە
جارتىلاي فينال مەن فينالدىڭ بيلەتتەر قۇنى - 5000 تەڭگە
وتەتىن ورنى: ۇلتتىق تەننيس ورتالىعى, تۇران داڭعىلى 4/2 ۆ.
بيلەتى بار كورەرمەندەرگە ارنالعان كىرەبەرىس - سولتۇستىك تريبۋنا (ورتالىق ساياباق جاقتان).
Astana Open بۇل الەمنىڭ اسلان كاراتسەۆ, دجون ميللمان, بەنۋا پەر, كريستينا ملادەنوۆيچ, ەليسون ۆان ۋتۆەيك سىندى تور100 تەننيسشىلەرى قاتىساتىن حالىقارالىق تەننيس كاسىپقويلارى قاۋىمداستىعىنىڭ (ATP) جانە ايەلدەر تەننيسى قاۋىمداستىعىنىڭ (WTA) قولداۋىمەن وتەتىن بەدەلدى ATP 250 جانە WTA 250 سەرياسىنىڭ تۋرنيرلەر قاتارىنا جاتادى.
قازاقستان ساپىنان ەلىمىزدىڭ ۇلتتىق قۇراماسىنىڭ ويىنشىلارى - الەكساندر بۋبليك, ميحايل كۋكۋشكين, اندرەي گولۋبەۆ, الەكساندر نەدوۆەسوۆ, زارينا دياس, يۋليا پۋتينتسەۆا, ياروسلاۆا شۆەدوۆا, اننا دانيلينا قاتىسادى.
ەرلەر ءتۋرنيرىنىڭ فينالى 26 قىركۇيەكتە, ايەلدەر اراسىنداعى تۋرنير 2021 جىلدىڭ 2 قازانىندا وتەدى.
