«ەكپە العان تۇرعىندار سانىنىڭ كوبەيۋى مەن كۆي-گە قارسى ۇجىمدىق يممۋنيتەتتىڭ قالىپتاسۋى قالىپتى ومىرگە بىرتىندەپ ورالۋعا مۇمكىندىك بەرەدى. سانيتارلىق نورمالاردى ساقتاي وتىرىپ, 28 قازان مەن 1 قاراشا ارالىعىندا Nur-Sultan theatre week حالىقارالىق تەاتر فەستيۆالىن وتكىزۋدى جوسپارلاپ وتىرمىز. ەلوردامىزدىڭ بارلىق تەاترى قاتىسادى, سونداي-اق شەتەلدىك تەاتر ۇجىمدارى شاقىرىلادى», دەدى قالا اكىمى.
فەستيۆالدى وتكىزۋگە العاش رەت قالانىڭ بارلىق ينفراقۇرىلىمى, ونىڭ ىشىندە شاعىن جانە ورتا بيزنەس اتسالىسپاق. تەاتر اپتالىعى كەزىندە كورمە, تەاتر ساحناسىنىڭ جەتەكشى تەاترلارى مەن مەترلەرىنىڭ ءتۇرلى شەبەرلىك ساباقتارى ۇيىمداستىرىلىپ, قالا تۇرعىندارى اراسىندا پرەمەرالارعا بيلەتتەر ويناتىلادى.
«بىلتىر قازاق دراما تەاترىنا جاڭا عيمارات بەرىلدى, ەندى ساياباعىن اباتتاندىرامىز. بۇعان دەيىن «استانا وپەرا» تەاترىنىڭ قاسىندا ەمەن باعى, «استانا بالەت» تەاترى جانىندا باق جاسالدى. م.گوركي اتىنداعى اكادەميالىق ورىس دراما تەاترىنا رەستاۆراتسيالىق جوندەۋ جۇمىستارى جۇرگىزىلدى», دەدى اكىم.
سونداي-اق قالا باسشىسى بيىل جاستار سارايى مەن جاس كورەرمەندەر مۋزىكالىق تەاترى اراسىن جالعايتىن «تەاتر بۋلۆارى» مەن ەلورداداعى العاشقى Demalys Promenade جاياۋ جۇرگىنشىلەر كوشەسى اشىلعانىن ايتتى.
