ۆەدومستۆونىڭ مالىمەتىنشە, سەيسەنبى كۇنى تاڭەرتەڭگى ۋاقىتتا 278 قازاقستاندىقتان قۇرالعان العاشقى توپ دۋبايداعى قر باس كونسۋلدىعىنىڭ قىزمەتكەرلەرىمەن بىرگە ماسقاتقا قاراي جەرۇستى كولىگىمەن جولعا شىقتى. ءباا جانە ومان شەكاراسىندا ازاماتتارعا شەكارالىق راسىمدەردەن جەدەل ءوتۋدى قامتاماسىز ەتۋ ءۇشىن كونسۋلدىق قولداۋ كورسەتىلدى.
كەيىن وسى باعىت بويىنشا 189 قازاقستاندىقتان تۇراتىن ەكىنشى توپتىڭ ۇشۋى جوسپارلانعان. وسىلايشا, جالپى سانى 467 قازاقستان ازاماتى ەلگە ورالادى.
«اۋە رەيستەرىنەن بولەك ەۆاكۋاتسيا جەرۇستى باعىتتارى ارقىلى دا جۇزەگە اسىرىلىپ جاتىر. اتاپ ايتقاندا, قازاقستاننىڭ تەگەران, اشحاباد جانە گورگانداعى مەكەمەلەرى يران-تۇرىكمەنستان شەكاراسىنداعى «ينچەبۋرۋن» وتكىزۋ پۋنكتى ارقىلى 15 قر ازاماتىنىڭ قاۋىپسىز ءوتۋىن قامتاماسىز ەتتى. ولارعا ءارى قاراي اقتاۋ قالاسىنا جەتۋىنە قاجەتتى قولداۋ كورسەتىلدى», دەلىنگەن حابارلامادا.
سونداي-اق تەگەران جانە ەرەۆانداعى ديپلوماتتار يران اۋماعىنان «زاركۋح» كومپانياسىنىڭ 35 قىزمەتكەرىنىڭ يران-ارمەنيا شەكاراسى ارقىلى اۆتوبۋسپەن شىعۋىنا جاردەم كورسەتتى.
سىرتقى ىستەر مينيسترلىگى وڭىردەگى قازاقستاننىڭ ديپلوماتيالىق وكىلدىكتەرى ەۆاكۋاتسيا تولىق اياقتالعانعا دەيىن سول جەردەگى جۇمىستى ۇيلەستىرۋدى جالعاستىرىپ, ازاماتتارمەن تۇراقتى بايلانىستا بولاتىنىن ايتتى.تاياۋ شىعىستاعى قاقتىعىسقا قاتىستى قازاقستاننىڭ ۇستانىمى قانداي؟
