باعدارلاما اياسىندا رەسپۋبليكا مەكتەپتەرىندە قاۋىپسىزدىك ساباقتارىن وتكىزۋ ەرەكشە مانگە يە. ساباق بارىسىندا وقۋشىلار ءتۇرلى ومىرلىك جاعدايلاردى تالداپ, زاڭ تالاپتارىن ءتۇسىنىپ, ءوز قۇقىقتارى مەن مىندەتتەرىن مەڭگەرەدى. كيبەرقاۋىپسىزدىك, قۇقىقبۇزۋشىلىقتىڭ الدىن الۋ, قوعامدىق ءتارتىپتى ساقتاۋ, اقپاراتتى سارالاي ءبىلۋ – مۇنىڭ بارلىعى ءجاسوسپىرىمنىڭ سانالى تۇلعا بولىپ قالىپتاسۋىنا ىقپال ەتەدى. اشىق پىكىر الماسۋ مەن تالقىلاۋ ارقىلى ولار ءوز كوزقاراسىن دالەلدەۋگە, وزگەلەردىڭ پىكىرىنە قۇرمەتپەن قاراۋعا داعدىلانادى. بۇل داعدىلاردىڭ ماڭىزى, اسىرەسە, ەل ومىرىندەگى ماڭىزدى ساياسي كەزەڭدەردە ايقىن كورىنەدى.
رەسپۋبليكالىق رەفەرەندۋم – حالىقتىڭ ءوز تاعدىرىن ءوزى ايقىنداۋ قۇقىعىن جۇزەگە اسىراتىن ماڭىزدى جولى. مۇنداي ساتتە ءار ازاماتتىڭ سانالى تاڭداۋى مەملەكەت بولاشاعىنا تىكەلەي اسەر ەتەدى. ال سانالى تاڭداۋ جاساۋ قۇقىقتىق ساۋاتتىلىقتى, سىني ويلاۋدى جانە جوعارى جاۋاپكەرشىلىكتى تالاپ ەتەدى.
ولجاس بەكتەنوۆ: جاڭا كونستيتۋتسيا – بولاشاقتىڭ ستراتەگيالىق تاڭداۋى
بۇگىنگى مەكتەپ وقۋشىسى – ەرتەڭ ەل تاعدىرىن شەشۋگە قاتىساتىن ازامات. ەگەر ول مەكتەپ قابىرعاسىنان باستاپ زاڭدى قۇرمەتتەۋدى, ادىلدىكتى باعالاۋدى جانە ءوز ارەكەتىنە جاۋاپ بەرۋدى ۇيرەنسە, بولاشاقتا رەفەرەندۋم سياقتى ماڭىزدى قوعامدىق ۇدەرىستەرگە بەلسەندى ءارى جاۋاپكەرشىلىكپەن قاتىسادى.
ايدا بالاەۆا: پرەزيدەنت – جاڭا كونستيتۋتسيانىڭ نەگىزگى اۆتورى
سوندىقتان «ادال ازامات» باعدارلاماسى اياسىنداعى قاۋىپسىزدىك ساباقتارى – تەك تاربيەلىك شارا عانا ەمەس, قۇقىقتىق مەملەكەت پەن ازاماتتىق قوعامدى نىعايتۋدىڭ بەرىك نەگىزى. سانالى, جاۋاپتى جانە بەلسەندى ۇرپاق قالىپتاستىرۋ – ەلدىڭ تۇراقتى دامۋىنىڭ كەپىلى.
ا. جۋنۋسوۆا,
اباي وبلىسى ءبىلىم باسقارماسىنىڭ سەمەي قالاسى ءبىلىم ءبولىمىنىڭ
«№ 19 جالپى ورتا ءبىلىم بەرەتىن مەكتەبى» كمم ديرەكتورى
