از قامتىلعان جانە كوپبالالى وتباسىلاردى قولداۋدىڭ مەملەكەتتىك باعدارلامالارىنىڭ ەرەجەلەرىنە سايكەس تەگىن وقىتۋدان وتەتىن ايەلدەر اۆتوماتتى تۇردە از قامتىلعاندار مارتەبەسىن جوعالتادى جانە وسىعان بايلانىستى اي سايىنعى ازىق-ت ۇلىك جيىنتىعى, سونداي-اق مەكتەپ پەن سپورت فورماسىنا ارنالعان چەك سياقتى كومەك تۇرلەرىنەن ايىرىلادى. اتالعان جوبانىڭ ەرەكشەلىگى – اتاۋلى الەۋمەتتىك كومەكتەن (ااك) ايىرماي, ايەلدەردىڭ الەۋمەتتىك وسال توپتارىنا قولداۋ كورسەتۋ.
ايەلدەر كۋرسقا ۇلكەن قىزىعۋشىلىق تانىتتى. نيەت بىلدىرۋشىلەردىڭ وتىنىمدەرى كونكۋرستىق نەگىزدە ىرىكتەلدى. بۇگىنگى تاڭدا كۋرسقا قاتىسۋشىلاردىڭ سانى 41 ادامدى قۇرايدى, ءبىر وتباسىنىڭ بىرنەشە مۇشەسى قاتىسقان جاعدايلار بار, ولاردىڭ باسىم كوپشىلىگى – ەرەسەك قىزدارى بار انالار.
كۋرسقا قاتىسۋشىلاردىڭ ءبىرى – «التىن القا» يەگەرى, 10 بالانىڭ اناسى ايگەرىم سادۋاقاسوۆا. ول جوبا اياسىندا ءوتىپ جاتقان «بيزنەس كونسۋلتاتسيا» كۋرسىندا بىرنەشە الەۋمەتتىك باعدارلانعان كومپانيالاردان گرانت الۋدىڭ قوسىمشا مۇمكىندىكتەرىنىڭ بار ەكەندىگى تۋرالى ءبىلدى. اتاپ ايتقاندا, الماتى وبلىسىنىڭ كاسىپكەرلىك جانە يندۋستريالىق-يننوۆاتسيالىق دامۋ باسقارماسىنان 2-5 ملن تەڭگە مولشەرىندە قارجى الۋعا مۇمكىندىك بار. ايگەرىم جۇبايىمەن بىرگە «ەڭبەك» باعدارلاماسى بويىنشا 505 مىڭ تەڭگە مولشەرىندە قايتارىمسىز گرانتتى جەڭىپ الدى.
ايگەرىم وتباسىمەن بىرگە ۇيدە كيىم جوندەۋمەن جانە تىگۋمەن اينالىسۋعا نيەتتى. بۇل كۋرس وعان كيىم تىگۋ داعدىلارىن يگەرۋگە تاماشا مۇمكىندىك بەرەدى. كوپبالالى انا رەتىندە ول بالالارىنا 10 دانا ءۇي كيىمىن ءوز قولىمەن تىگۋ ارقىلى وتباسىلىق بيۋدجەتتى ايتارلىقتاي ۇنەمدەيتىنىن بىلەدى.
جوبانى ىسكە اسىرۋ بارىسىندا جوبا كومانداسى ەسكەلدى اۋدانى اكىمدىگىمەن كەلىسسوزدەر جۇرگىزدى. كەزدەسۋ بۇل جوبانىڭ جۇمىسسىز ايەلدەرگە ارنالعان الەۋمەتتىك كومەك ورتالىعىنا اينالۋى مۇمكىن ەكەنىن كورسەتتى. اكىمدىك وقىتۋ كۋرستارىن جۇرگىزۋ ءۇشىن عيمارات ءبولدى, ول «اتامەكەن» وكپ اۋداندىق وكىلدىگىمەن, سونداي-اق اۋداندىق جۇمىسپەن قامتۋ ورتالىعىمەن ءبىر عيماراتتا ورنالاسقان. اكىمدىكپەن سەرىكتەستىك ارقىلى جوبا كومانداسى جوبانىڭ ماقساتتارى مەن مىندەتتەرىن كەڭەيتتى.
سونداي-اق اكىمدىك ازاماتتاردىڭ الەۋمەتتىك وسال ساناتتارىن اقپاراتتىق قولداۋ شارالارى بويىنشا, ونىڭ ىشىندە Egov.kz ەلەكتروندى ۇكىمەتپەن جۇمىس بويىنشا تەگىن اقپاراتتىق كابينەت اشتى. بۇل شارا قاتىسۋشىلارعا, سونداي-اق باسقا ايەلدەرگە كاسىپكەرلىك قىزمەتپەن اينالىسۋ ءۇشىن ءوز مۇمكىندىكتەرىن وبەكتيۆتى باعالاۋعا مۇمكىندىك بەرەدى.
«ااك جەلىسى بويىنشا نەگىزگى قولداۋدان ايىرماي قولداۋ كورسەتىلە باستاعانى ءبىزدى قۋانتادى. بۇل بىزگە اياققا تۇرۋىمىزعا مۇمكىندىك بەرەدى», دەدى ءا.سادۋاقاسوۆا.
