قوعام • 20 قىركۇيەك، 2021

انا مەيىرىمى

24 رەت كورسەتىلدى

تاعدىردىڭ تالكەگىمەن جارىق دۇنيە ەسىگىن اشقالى ماڭدايىنان انانىڭ ايالى الاقانى سيپاپ كورمەگەن، جۇرەگىنىڭ جىلۋىن سەزىنبەگەن سابيلەرگە انا بولىپ، پانا بولىپ، پەرىشتەدەي جەلەپ-جەبەگەن جاندى كورسەڭىز كوكىرەگىڭىزدى قۋانىش لەبى كەرنەيتىنى بار. مىناۋ جارىق دۇنيەدەگى ەڭ كۇشتى قۇدىرەت – انا مەيىرىمى.

ءبىر پەرزەنتكە زار بولعالى قاشان. ءۇيدىڭ ءىشى قۇرقىلتايدىڭ ۇياسىنداي جىپ-جىلى، ءار زات ورنىندا تاپتىشتەلىپ جينالعان. كولدەنەڭ جاتقان ءبىر تال بوگدە زات جوق. مۇراجايدىڭ ىشىندەگىدەي جايناپ تۇر. بوساعادان تورگە دەيىن كىرشىكسىز، تاپ-تازا بولسا دا الدەنە جەتىسپەيتىن ءتارىزدى. كەشكىلىك جۇمىستان كەلگەن سوڭ كوڭىلىنىڭ قۇلازىپ سالاتىنى بار. قۇددى ءبىر بوس كەڭىستىكتە جۇرگەن ءتارىزدى مە قالاي؟ ءومىر جايلى ويلاپ كورسە، بار ماقسات-مۇراتتىڭ دا بايلانار كىندىگى سول ەكەن عوي. جاراتقان يەم-اۋ، بار نەسىبەنى بوساعاما بايلاعانىڭدا ءبىر شيكى وكپەنى قيماعانىڭ قالاي؟ سارعايىپ تاڭ اتقاندا سابيگە دەگەن ساعىنىش كوز جاسى بولىپ شىلانىپ توگىلىپ، جاستىعى شىلقىپ تۇراتىن. اڭساعانى دا، ەت جۇرەگى ەزىلىپ ساعىنعانى دا، تىلسىم ءبىر كۇشتەن تالماي تىلەگەنى دە ءسابي ەدى.

2017 جىلى اق تۇيەنىڭ قارنى جارىلدى. تىعىرىقتان شىعار جولدى ءوزى تاپتى. تابيعات بۇيىرتپاسا امال نە، ءبىر قولىڭدى ەكى ەتە المايسىڭ عوي. قاراپ وتىرعانشا تىربانىپ تىرشىلىك ەتۋ كەرەك. انا بولىپ بالا تاربيەلەمەسە، ۇرپاق وسىرمەسە، بويىنداعى بار مەيىرىم شاپاعاتىن توگىپ، تاڭنىڭ ءمولدىر شىعىنداي تاپ-تازا ماحابباتىمەن الديلەمەسە ءبارى بەكەر ەمەس پە؟! جولداسى ۆيتالي ياكۋسەۆيچپەن اقىلداسقان. ىشكى ىستەر سالاسىندا قىزمەت ەتەتىن جان جولداسى ايتىلعان ۇسىنىستى قۇپتاپ، بىردەن قۇلاپ ءتۇستى. بالكىم ول دا وسى ۋاقىتقا دەيىن جانىن جەگىدەي جەگەن ۋايىممەن الىسقان شىعار. ول دا جارىنىڭ قاباعىنا كىربىڭ تۇسىرمەۋ ءۇشىن، جانىن جارالاماۋ ءۇشىن ءتىس جارىپ ايتا الماعان بولار. شاڭىراقتىڭ شاتتىعىن كەلتىرۋ ءۇشىن، تاعدىر تالكەگىنە ۇشىراعان بىرەر بالانى باۋىرلارىنا باسىپ تاربيەلەپ، جەتىلدىرگەندەرى ادامگەرشىلىك ەمەس پە؟! ارتىندا قالاتىن بەلگى دە، ۇرپاق تا سول بالالار بولماق. ەكەۋىنىڭ بويىنداعى بار قاسيەتتى تولايىم قوتارىپ السا، كەلەر كۇندەردىڭ كوكجيەگىنە جەتكىزەتىن جەتكىنشەكتەر دە سولار بولارى ايدان انىق.

ىلە ويعا العاندى وڭىنان ورالتۋ ماسەلەسىنە كوشكەن. بۇرىن كىم بىلگەن، ماشاقاتى كوپ شارۋا ەكەن عوي. الدىمەن نۇر-سۇلتان قالاسىنداعى بالالار ۇيىنەن وزدەرىنىڭ كوڭىلى قۇلاعان سابيلەرىن تاڭ­داپ الۋلارى كەرەك. ونىمەن دە ءىس بىتە قوي­مايدى. ءتيىستى ورىندار بۇلاردىڭ جاي-كۇيىن، تابىسىن، ءۇي ورمانىن تارازى با­سىنان وتكىزەدى. كۇنى ەرتەڭ ونسىز دا جاندارى جارالى، كوڭىلدەرى قارالى جاس بالالار جۇدەپ قالماي ما؟ جاۋاپكەرشىلىك جۇگى مىڭ باتپان. قانشا جەردەن جۇرەگىڭ ەزىلىپ تۇرسا دا، ماقساتىڭ ايقىن، مۇراتىڭ بەلگىلى بولسا دا، ۇياداعى بالاپانداردى قاناتتاندىرۋ ءۇشىن قارىمىڭ قاپتال جەتۋى كەرەك.

– ارينە، ول دا دۇرىس قوي، – دەيدى بالالاردىڭ اناسى يۋليا ۆالەرەۆنا، – نەشە قيلى ادام بولادى. تاعدىر تالكەگىن ءبىر رەت كورىپ، اششى ءدامىن تاتقان بالالار ەندىگى ارادا قيىندىق كورمەۋگە ءتيىستى. تابانىمىزدان تاۋسىلىپ جۇرسەك تە العان بەتىمىزدەن قايتقان جوقپىز. ويتكەنى ءبىزدى بالالارعا دەگەن ماحاببات قولتىعىمىزدان دەمەپ، قولىمىزدان جەتەكتەپ العا سۇيرەدى.

اقىرى ۇيەلمەلى-سۇيەلمەلى ءتورت بالا بولاشاق ىستىق ۇيا، اتا قونىستىڭ تابالدىرىعىنان اتتادى. سول كۇنى ەرلى-زايىپتى يۋليا مەن ءۆيتاليدىڭ قۋانىشىندا شەك جوق ەدى. بۇلاردىڭ تالاي تاڭدى ۇيقىسىز اتىرىپ، تالاي كۇندى كۇلكىسىز وتكەرگەنىن سەزگەندەي ءوز تاعدىرلارى ءبىر رەت جومارتتىق تانىتتى. كوكتەن تىلەگەنى قولدارىنا ورالعانداي، مۇمكىن ەمەستەي بولعان سىيلىق اق جولدارىنان جولىققانداي. بۇدان ارتىق قانداي قۋانىش، قانداي باقىت بولسىن؟ تاماشا ەمەس پە؟! انشەيىندە قاڭىراپ بوس تۇرعانداي بولىپ كورىنەتىن ءۇي ىشىندەگى شاتتىق كەنەرەسىنەن اسىپ توگىلگەندەي. ءتورت بۇرىش تۇگەل شالقىعان دۋمانعا تولدى دا قالدى. بالالاردىڭ كۇمىس كۇلكىسى بوس تۇرعان ءۇيدىڭ ەدەنىنە ءبىر ۋىس اق كۇمىستى شاشىپ جىبەرگەندەي سىڭعىرلاي جونەلگەنى. ءسال قاتىڭقى جۇرەتىن قاباقتار جادىرادى، مۇڭ باسقان جۇزدەرىنەن مەيىرىم توگىلدى.

ۇنەمى ات ۇستىندە جۇرەتىن ۆيتالي تودەۋشەۆيچ ۇيدەن ۇزاپ شىقپاۋعا اينالدى. اينالىپ-ءۇيىرىلىپ بالاپاندارىنىڭ جانىنان تابىلادى. قامىردان قىل سۋىرعانداي ەپتىلىكپەن بالالارعا الدەنەنى ءتۇسىندىرىپ ايتادى. ءۇي شارۋاسىنداعى كەيبىر ۇساق-تۇيەكتىڭ ىڭعايىن ۇيرەتەدى. ەرمەك تابىلعان سىڭايلى. جوق، بۇل ەرمەك ەمەس ەدى. سان جىلدار بويى پەرزەنت اڭساعان پاراساتتى كوڭىلدىڭ كوكىرەگىندەگى سەزىمدەردىڭ اپتىققان اسىعىس ءبىر ءساتى. ءسوز ءلامى بۇيرىق ەمەس، بازىنا ىسپەتتى. اكەلىك قامقور كوڭىلدىڭ ىزەتتى ءورىمى. با­لا­لار دا جاقسى اكەنى جاتىرقاعان جوق. بىرەر كۇننەن سوڭ عۇمىر بويى قىزىلدى-جاسىلدى دۇنيەنىڭ قىزىعىن بىرگە كەشىپ كەلە جاتقانداي باۋىر باسىپ كەتتى.

ەرتەرەكتە جاعدايلارىن جاقسى تۇسى­نە­تىن كورشىلەرى، قاراجار اۋىلىنىڭ تۇر­عىندارى بۇلاردى ىشتەي اياعانىمەن جا­­رانىڭ اۋزىن تىرناپ ءلام-ميم دەي قوي­ماي­تىن. ءاپ-ساتتە شاتتىق شاڭىراقتىڭ تۇندىگىن كەرنەپ، بەرەكە بوساعاعا بايلانعان تۇستا بالالارىڭنىڭ باۋى بەرىك بولسىن دەپ كەلەتىندەر كوبەيە باستادى. ترۋس پەن يساەۆتار وتباسىلارى، بۇرىننان تىلەكتەس يۆانوۆتار دا قابانباي باتىر اۋىلىنداعى №41 مەكتەپتىڭ الەۋمەتتىك پەداگوگتەرى دە قولۇشىن سوزدى.

– ءبىز بالالاردى قاراجار اۋىلىنان روجدەستۆەنسكي اۋىلىنا تاسىمالداپ وقىتامىز. مەكتەپتىڭ كولىگى ءوزى تاسيدى، – دەيدى يۋليا ۆالەرەۆنا، – ال بالالار باقشاسىنا باراتىنداردى ءوزىمىز جەتكىزەمىز. ەش قيىندىعى جوق. ءبىر قىزىعى، كەيىن بالالاردىڭ اتا-انالارىنىڭ قۇجاتى تابىلعاندا، ولاردىڭ اناسى دا، اكەسى دە بىزبەن اتتاس بولىپ شىقتى، جاقسى ىرىمعا سانادىق.

الدىندا ءبىر وتباسىنىڭ ءۇش بالاسى عانا ەدى، ال ءتورتىنشى، تۋعان اعالارى لەونيد اجەلەرىنىڭ قولىندا بولسا كەرەك. ءتارتىپ بويىنشا اعايىندى بالالاردى ءبىر-بىرىمەن اجىراتۋعا بولمايدى. ونىڭ ۇستىنە لەونيد تە:

– مەنى نەگە بولەكتەيسىزدەر؟ – دەپ سۇراعان ەكەن.

قاپتال جەتۋى كەرەك.

– ارينە، ول دا دۇرىس قوي، – دەيدى بالالاردىڭ اناسى يۋليا ۆالەرەۆنا، – نەشە قيلى ادام بولادى. تاعدىر تالكەگىن ءبىر رەت كورىپ، اششى ءدامىن تاتقان بالالار ەندىگى ارادا قيىندىق كورمەۋگە ءتيىستى. تابانىمىزدان تاۋسىلىپ جۇرسەك تە العان بەتىمىزدەن قايتقان جوقپىز. ويتكەنى ءبىزدى بالالارعا دەگەن ماحاببات قولتىعىمىزدان دەمەپ، قولىمىزدان جەتەكتەپ العا سۇيرەدى.

اقىرى ۇيەلمەلى-سۇيەلمەلى ءتورت بالا بولاشاق ىستىق ۇيا، اتا قونىستىڭ تابالدىرىعىنان اتتادى. سول كۇنى ەرلى-زايىپتى يۋليا مەن ءۆيتاليدىڭ قۋانىشىندا شەك جوق ەدى. بۇلاردىڭ تالاي تاڭدى ۇيقىسىز اتىرىپ، تالاي كۇندى كۇلكىسىز وتكەرگەنىن سەزگەندەي ءوز تاعدىرلارى ءبىر رەت جومارتتىق تانىتتى. كوكتەن تىلەگەنى قولدارىنا ورالعانداي، مۇمكىن ەمەستەي بولعان سىيلىق اق جولدارىنان جولىققانداي. بۇدان ارتىق قانداي قۋانىش، قانداي باقىت بولسىن؟ تاماشا ەمەس پە؟! انشەيىندە قاڭىراپ بوس تۇرعانداي بولىپ كورىنەتىن ءۇي ىشىندەگى شاتتىق كەنەرەسىنەن اسىپ توگىلگەندەي. ءتورت بۇرىش تۇگەل شالقىعان دۋمانعا تولدى دا قالدى. بالالاردىڭ كۇمىس كۇلكىسى بوس تۇرعان ءۇيدىڭ ەدەنىنە ءبىر ۋىس اق كۇمىستى شاشىپ جىبەرگەندەي سىڭعىرلاي جونەلگەنى. ءسال قاتىڭقى جۇرەتىن قاباقتار جادىرادى، مۇڭ باسقان جۇزدەرىنەن مەيىرىم توگىلدى.

ۇنەمى ات ۇستىندە جۇرەتىن ۆيتالي تودەۋشەۆيچ ۇيدەن ۇزاپ شىقپاۋعا اينالدى. اينالىپ-ءۇيىرىلىپ بالاپاندارىنىڭ جانىنان تابىلادى. قامىردان قىل سۋىرعانداي ەپتىلىكپەن بالالارعا الدەنەنى ءتۇسىندىرىپ ايتادى. ءۇي شارۋاسىنداعى كەيبىر ۇساق-تۇيەكتىڭ ىڭعايىن ۇيرەتەدى. ەرمەك تابىلعان سىڭايلى. جوق، بۇل ەرمەك ەمەس ەدى. سان جىلدار بويى پەرزەنت اڭساعان پاراساتتى كوڭىلدىڭ كوكىرەگىندەگى سەزىمدەردىڭ اپتىققان اسىعىس ءبىر ءساتى. ءسوز ءلامى بۇيرىق ەمەس، بازىنا ىسپەتتى. اكەلىك قامقور كوڭىلدىڭ ىزەتتى ءورىمى. با­لا­لار دا جاقسى اكەنى جاتىرقاعان جوق. بىرەر كۇننەن سوڭ عۇمىر بويى قىزىلدى-جاسىلدى دۇنيەنىڭ قىزىعىن بىرگە كەشىپ كەلە جاتقانداي باۋىر باسىپ كەتتى.

ەرتەرەكتە جاعدايلارىن جاقسى تۇسى­نە­تىن كورشىلەرى، قاراجار اۋىلىنىڭ تۇر­عىندارى بۇلاردى ىشتەي اياعانىمەن جا­­رانىڭ اۋزىن تىرناپ ءلام-ميم دەي قوي­ماي­تىن. ءاپ-ساتتە شاتتىق شاڭىراقتىڭ تۇندىگىن كەرنەپ، بەرەكە بوساعاعا بايلانعان تۇستا بالالارىڭنىڭ باۋى بەرىك بولسىن دەپ كەلەتىندەر كوبەيە باستادى. ترۋس پەن يساەۆتار وتباسىلارى، بۇرىننان تىلەكتەس يۆانوۆتار دا قابانباي باتىر اۋىلىنداعى №41 مەكتەپتىڭ الەۋمەتتىك پەداگوگتەرى دە قولۇشىن سوزدى.

– ءبىز بالالاردى قاراجار اۋىلىنان روجدەستۆەنسكي اۋىلىنا تاسىمالداپ وقىتامىز. مەكتەپتىڭ كولىگى ءوزى تاسيدى، – دەيدى يۋليا ۆالەرەۆنا، – ال بالالار باقشاسىنا باراتىنداردى ءوزىمىز جەتكىزەمىز. ەش قيىندىعى جوق. ءبىر قىزىعى، كەيىن بالالاردىڭ اتا-انالارىنىڭ قۇجاتى تابىلعاندا، ولاردىڭ اناسى دا، اكەسى دە بىزبەن اتتاس بولىپ شىقتى، جاقسى ىرىمعا سانادىق.

الدىندا ءبىر وتباسىنىڭ ءۇش بالاسى عانا ەدى، ال ءتورتىنشى، تۋعان اعالارى لەونيد اجەلەرىنىڭ قولىندا بولسا كەرەك. ءتارتىپ بويىنشا اعايىندى بالالاردى ءبىر-بىرىمەن اجىراتۋعا بولمايدى. ونىڭ ۇستىنە لەونيد تە:

– مەنى نەگە بولەكتەيسىزدەر؟ – دەپ سۇراعان ەكەن.

جەتى جاسار لەونيدتىڭ جالعىز اۋىز ءسوزى جۇرەكتەرىن ۋىلجىتىپ جىبەرگەن.

– اينالايىن، – دەپتى بولاشاق اناسى يۋليا ۆالەرەۆنا، – ءبىز بىلمەدىك قوي، ايىرمايمىز. ەشقاشان، ەشقايسىڭنان ايرىلمايمىز. جۇرەك تەبىرەنتەر، مەيىرىمگە تولى انا ءسوزىن تىڭداي وتىرىپ ءبىز دە ىشتەي تاعدىر سىزدەردى ءبىر-بىرىڭنەن ەشقاشان ايىرماسا ەكەن دەپ تىلەدىك.

قۇتتى شاڭىراقتى قونىستانعاندا لەونيد 7، ۆيكتوريا 5، ۆيتالي 2،5، ۆالەري 1،5 جاستا ەكەن. قازىر اتا-انانىڭ ماحابباتىنا بولەنىپ، مەيىرىم شۋاعىن سەزىنىپ، ءوسىپ كەلەدى. بالالار دا، اتا-انا دا باقىت قۇشاعىندا. سول قۇشاقتار اجىراماي، كۇن كەشكەنگە نە جەتسىن، شىركىن؟!

سوڭعى جاڭالىقتار

6 ءوڭىر «جاسىل» ايماقتا تۇر

كوروناۆيرۋس • بۇگىن، 09:20

ۇقساس جاڭالىقتار