29 قىركۇيەككە دەيىن كوپشىلىك تالقىسىنا ۇسىنىلىپ وتىرعان قۇجاتتا تۇرعىن ءۇي جاعدايىن جاقسارتۋ ءۇشىن بىرجولعى زەينەتاقى تولەمدەرىن مىنا ماقساتتارمەن پايدالانۋعا جول بەرىلەتىنى ايتىلعان:
1) تۇرعىن ءۇيدى ساتىپ الۋ-ساتۋ, ايىرباستاۋ (ايىرباس جاساۋ) شارتتارى بويىنشا (يپوتەكالىق تۇرعىن ءۇي قارىزىن رەسىمدەمەي) تۇرعىن ءۇيدى مەنشىككە ساتىپ الۋعا بايلانىستى ازاماتتىق-قۇقىقتىق مامىلەلەر بويىنشا تۇپكىلىكتى ەسەپ ايىرىسۋ;
2) ءبىر بانكتىك قارىز شارتى شەڭبەرىندە جوندەۋ جۇرگىزە وتىرىپ, تۇرعىنجايدى ساتىپ الۋعا يپوتەكالىق تۇرعىن ءۇي قارىزىن الۋ, يپوتەكالىق تۇرعىن ءۇي قارىزى بويىنشا بەرەشەكتى ءىشىنارا نەمەسە تولىق وتەۋ, يپوتەكالىق تۇرعىن ءۇي قارىزىن قايتا قارجىلاندىرۋ ءۇشىن باستاپقى جارنانى ەنگىزۋ;
3) تۇرعىن ءۇي قارىزىن قايتا قارجىلاندىرۋ ءۇشىن تۇرعىن ءۇي قۇرىلىسى جيناق اقشاسى تۋرالى سالىمدارعا اۋدارۋ;
4) يسلام بانكىنىڭ قارجىلاندىرۋى شەڭبەرىندە تۇرعىن ءۇي ساتىپ الۋ, يسلام بانكىنىڭ تۇرعىن ءۇي ساتىپ الۋ جونىندەگى مامىلەنى قارجىلاندىرۋى شەڭبەرىندە بەرەشەكتى ءىشىنارا, تولىق وتەۋ;
5) تۇرعىن ءۇي قۇرىلىسى باعدارلامالارى مەن داعدارىسقا قارسى باعدارلامالار شەڭبەرىندە بەرىلگەن تۇرعىن ءۇيدى جەكەشەلەندىرۋ, تولەۋ مەرزىمىن ۇزارتا وتىرىپ ساتىپ الۋ-ساتۋ, ساتىپ الۋ قۇقىعىمەن ۇزاق مەرزىمدى جالعا الۋ شارتتارى بويىنشا ءىشىنارا نەمەسە تولىق وتەۋ;
6) يپوتەكالىق تۇرعىن ءۇي قارىزىن تارتا وتىرىپ, سونداي-اق وسىنداي يپوتەكالىق تۇرعىن ءۇي قارىزىن نەمەسە قايتا قارجىلاندىرىلعان يپوتەكالىق تۇرعىن ءۇي قارىزىن ءىشىنارا نەمەسە تولىق وتەۋ ءۇشىن جەكە تۇرعىن ءۇي سالۋ (مەنشىگىندە نىسانالى ماقساتى بار جەر ۋچاسكەسى بولۋى شارت)
7) يپوتەكالىق تۇرعىن ءۇي قارىزىن رەسىمدەمەي, كەيىننەن تۇرعىن ءۇيدى پايدالانۋعا بەرۋ تۋرالى اكتىنى بەرە وتىرىپ, ساتىپ الۋ-ساتۋ, ايىرباستاۋ شارتتارى بويىنشا جەر ۋچاسكەسىن مەنشىككە ساتىپ الۋ (نىسانالى ماقساتى – جەكە تۇرعىن ءۇي قۇرىلىسى نەمەسە جەكە قوسالقى شارۋاشىلىق);
8) جەرگىلىكتى اتقارۋشى ورگاندار بەلگىلەنگەن تارتىپپەن تىركەگەن تۇرعىن ءۇي قۇرىلىسىنا ۇلەستىك قاتىسۋ تۋرالى شارت بويىنشا بىرىڭعاي تۇرعىن ءۇي قۇرىلىسى وپەراتورى كەپىلدىگى نەگىزىندە سالىنىپ جاتقان وبەكتىدە تۇرعىن ءۇي ساتىپ الۋ قارىزدارى بويىنشا مىندەتتەمەلەردى تولەۋ ءۇشىن تۇرعىن ءۇيدىڭ (پاتەردىڭ) قۇنىن تولەۋگە بەرىلەتىن اعىمداعى نىسانالى ترانسفەرتتەر.
«تۇرعىن ءۇي جاعدايلارىن جاقسارتۋ ءۇشىن بىرجولعى زەينەتاقى تولەمدەرىن پايدالانۋ قولما-قول اقشاسىز تاسىلمەن جۇزەگە اسىرىلادى. بىرجولعى زەينەتاقى تولەمدەرىنىڭ سوماسى وسى قاعيدالاردا كوزدەلگەن ماقساتتارعا جەتكىلىكسىز بولعان كەزدە مەنشىكتى قاراجاتىن پايدالانۋعا جول بەرىلەدى. تۇرعىن ءۇي جاعدايلارىن جاقسارتۋ ءۇشىن بىرجولعى زەينەتاقى تولەمدەرىن پايدالانۋ قولما-قول اقشاسىز تاسىلمەن جۇزەگە اسىرىلادى», دەپ جازىلعان بۇيرىقتىڭ جوباسىندا.
