الماتى قالالىق توتەنشە جاعدايلار دەپارتامەنتىنىڭ مالىمەتىنە سايكەس, ءورت سوندىرۋشىلەر ن. نازارباەۆ داڭعىلى 124 مەكەنجايىندا ءتورت قاباتتى ۇيدەن شىققان ءورتتى وقشاۋلادى.
الدىن الا بولجام بويىنشا ءورت 1500 شارشى مەتردى شارپىدى. تۇرعىندار دەر كەزىندە ەۆاكۋاتسيالاندى. زارداپ شەككەندەر جوق. ءورتتىڭ شىعۋ سەبەبى ازىرگە بەلگىسىز.
ء«ورت وقشاۋلاندى, ءۇشىنشى, ەكىنشى, ءبىرىنشى قاباتتى ورتتەن امان الىپ قالدى. سونداي-اق قازىر ۇيىندىلەردى الىپ تاستاۋ جانە سۋ توگۋ جۇمىستارى جۇرگىزىلۋدە. جان-جاقتان ءتورت جاۋىنگەر ۋچاسكە قۇرىلىپ, بارلىق پەريمەتر بويىنشا 14 امبەباپ ءورت ءسوندىرۋ وقپاندارى ەنگىزىلدى», دەدى قالالىق تجد رەسمي وكىلى گۇلدانا نۇرىمبەتوۆا.
