ورتالىق ازيا جاڭالىقتار قىزمەتىنىڭ جازۋىنشا, جيىن جابىق ەسىك جاعدايىندا وتكەن. وعان قازاقستان, تاجىكستان, قىرعىزستان پرەزيدەنتتەرى مەن ارمەنيا پرەمەر-ءمينيسترى جانە رەسەيدىڭ سىرتقى ىستەر ءمينيسترى قاتىستى. رەسەي باسشىسى ۆلاديمير پۋتين ونلاين-فورماتتا قاتىسىپ وتىردى.
جيىن كەزىندە قىرعىز پرەزيدەنتى سادىر جاپاروۆ تالىپتەرمەن اۋعانستانداعى جاعدايدى تەزىرەك قالىپقا كەلتىرۋ جانە ىنتىماقتاستىق ماسەلەسىندە ديالوگقا كەلۋ كەرەك ەكەنىن ايتقان.
تاجىكستان باسشىسى ەمومالي راحمون بولسا, «تاليبان» قوزعالىسى ءوزىنىڭ بەرگەن ۋادەسىن ورىنداماعانىن ايتىپ, سىنعا العان.
«تالىپتەر وزگە دە ەتنيكالىق توپتاردىڭ قاتىسۋىمەن ينكليۋزيۆتى ۇكىمەت قۇرامىز دەگەن ۋادەسىن ورىندامادى. ونىڭ ۇستىنە ورتاعاسىرلىق شاريعات زاڭىنا سۇيەنىپ, يسلام ەميراتىن قۇرامىز دەپ مالىمدەدى», دەگەن تاجىك پرەزيدەنتى.
تاجىكستان پرەزيدەنتى سونىمەن بىرگە اۋعانستاننان كۇندەلىكتى كەلىپ جاتقان اقپاراتقا سايكەس, «جاعداي ءبىز ويلاعاننان دا كۇردەلى ەكەنىن كورسەتىپ وتىر» دەگەن. ول تالىپتەردى پاندجشەر قالاسىن تۇتاستاي قورشاپ, ازىق-ت ۇلىك جىبەرمەي وتىر دەپ ايىپتادى.
ازىرگە رەسەيدىڭ اۋعانستانداعى جاعدايعا بايلانىستى ۇستانىمى ايقىن بولمادى. ۆلاديمير پۋتين ارىپتەستەرىنە كەز كەلگەن جاعدايعا دايىن بولۋعا شاقىرعان.
17 قىركۇيەكتە دۋشانبەدە شانحاي ىنتىماقتاستىق ۇيىمىنا مۇشە ەلدەردىڭ ليدەرلەرىنىڭ باسقوسۋى وتەدى.
