دەلەگاتسيانى ءماجىلىستىڭ زاڭناما جانە سوت-قۇقىقتىق رەفورما كوميتەتىنىڭ توراعاسى, سونداي-اق, ۇجىمدىق قاۋىپسىزدىك تۋرالى شارت ۇيىمى پارلامەنتتىك اسسامبلەياسى جەلىسى بويىنشا حالىقارالىق باقىلاۋشىلار توبىنىڭ ۇيلەستىرۋشىسى ارمان قوجاحمەتوۆ باسقارادى.
قازاقستاندىق دەلەگاتسيانىڭ قۇرامىندا تمد پاا تاراپىنان بەرىك بەكجانوۆ, مەملەكەتتىك دۋمانىڭ شاقىرتۋى بويىنشا ءمادي احمەتوۆ جانە ۆەرا كيم تاۋەلسىز بايقاۋشى رەتىندە قاتىسادى.
ءماجىلىس دەپۋتاتتارىنىڭ ماسكەۋ مەن ماسكەۋ وبلىسىنداعى سايلاۋ ۋچاسكەلەرىنە بارىپ, داۋىس بەرۋ بارىسىن باقىلاۋى جوسپارلانعان. سونىمەن قاتار, مەملەكەتتىك دۋماداعى جانە ورتالىق سايلاۋ كوميسسياسىنداعى ساياسي پارتيا فراكتسيالارىنىڭ جەتەكشىلەرىمەن كەزدەسۋلەر وتكىزۋ جوسپارلانعان.
قازاقستاندىق پارلامەنت وكىلدەرى ۇجىمدىق قاۋىپسىزدىك تۋرالى شارت ۇيىمى پارلامەنتتىك اسسامبلەياسىنىڭ حالىقارالىق بايقاۋشىلار توبىنىڭ قورىتىندى كەڭەسىنە جانە قورىتىندى قۇجاتتاردى دايىنداۋ ءۇشىن تمد بايقاۋشىلار ميسسيالارىن ۇيلەستىرۋشىلەر كەڭەسىنە قاتىسۋ دا جوسپاردا بار.
