پوليتسيا مالىمەتىنشە, مۇقيات دايىندالعان ارنايى وپەراتسيا ناتيجەسىندە كۇدىكتىلەر قۇرىقتالعان. ەسىرتكى زاتتارىن ساتۋدى ۇيىمداستىرعانى ءۇشىن 20 جانە 21 جاستاعى ورال تۇرعىندارى ۇستالعان.
«ورماندى, سونداي-اق كۇدىكتىلەردىڭ تۇرعىلىقتى جەرىن ءتىنتۋ كەزىندە ءبىر كەلىدەن اسا ۇنتاق ءتارىزدى پرەپاراتتار مەن 55 امفەتامين تابلەتكالارى جانە 500 گراممعا جۋىق ءشوپ تەكتەس پرەپاراتتار تاركىلەندى. شارا ناتيجەسىندە 4300 دانادان اسا سينتەتيكالىق ەسىرتكىنىڭ تارالۋىنا جول بەرىلمەدى», دەدى ول بقو پوليتسيا دەپارتامەنتىنىڭ باستىعى ماحسۋدحان ءابىلازيموۆ.
دەرەك بويىنشا قازىرگى ۋاقىتتا قىلمىستىق كودەكستىڭ 297-بابى 3-بولىگى بويىنشا سوتالدى تەرگەۋ جۇرگىزىلىپ جاتىر. ۇستالعاندار مۇلكىن تاركىلەي وتىرىپ ون جىلدان ون بەس جىلعا دەيىنگى مەرزىمگە باس بوستاندىعىنان ايىرىلۋى مۇمكىن.
پوليتسيا دەپارتامەنتىنىڭ مالىمەتىنشە, جىل باسىنان بەرى وڭىردە ەسىرتكى بيزنەسىنە قاتىستى 66 قىلمىس انىقتالعان, ونىڭ 23-ءى ەسىرتكى ساتۋمەن بايلانىستى. زاڭسىز اينالىمنان 50 كەلىدەن اسا ەسىرتكى الىندى, ونىڭ ىشىندە 1,3 كەلىسى سينتەتيكالىق ەسىرتكى.
