«نەگىزگى تۇجىرىمدامالىق جاڭالىقتارعا توقتالساق, قۇجاتتا سەبەبىنە قاراماستان, I توپتاعى مۇگەدەكتىگى بار ادامدارعا كۇتىم كورسەتۋشىلەرگە جاڭا جاردەماقى ءتۇرىن ەنگىزۋ قارالعان. قازىرگى ۋاقىتتا I توپتاعى 66 مىڭ مۇمكىندىگى شەكتەۋلى جاننىڭ اراسىنان ءاربىر ءۇشىنشىسى كۇتىمى بويىنشا جاردەماقىمەن دە, جەكە كومەكشىنىڭ قىزمەتىمەن دە قامتىلماعان. ياعني باسقا ادامنىڭ كومەگىنە ءزارۋ, ءوز بەتىمەن ءجۇرىپ-تۇرا المايتىن مۇگەدەك جاندار», دەدى س.شاپكەنوۆ.
وسى ورايدا زاڭ جوباسىن قابىلداۋ ناتيجەسىندە, سىرتقى قامقورلىققا مۇقتاج 24 مىڭ ادام قوسىمشا كۇتىم بويىنشا جاردەماقىمەن قامتىلادى.
