نۇرلان سولتامبەكوۆ كىشى تالدىكولدى ساقتاپ جانە سۋىن تولتىرا وتىرىپ, رەكرەاتسيالىق ايماق قۇرۋ بويىنشا جوبالاۋ-سمەتالىق قۇجاتتاما ازىرلەۋدى تاپسىردى. سۋ اۋماعى كەمىندە 20 گەكتار بولادى.
«وسىلايشا, سۋ ءتۇبىن تەرەڭدەتۋ جۇمىستارى لاي جانە باسقا دا زياندى شوگىندىلەردەن تازارتۋعا, ورتاشا تەرەڭدىكتى ارتتىرۋعا, سۋ بالانسىن ساقتاۋعا جانە ت.ب. مۇمكىندىك بەرەدى. ايتا كەتۋ كەرەك, قازىر سۋلى-باتپاقتى نىسانداعى نەگىزگى يونداردىڭ, اۋىر مەتالداردىڭ, بيوگەندىك زاتتاردىڭ قۇرامى نورمادان بىرنەشە ەسە اسادى», دەپ جازادى نۇر-سۇلتان قالاسى اكىمىنىڭ رەسمي سايتى.
ۆەدومستۆو اقپاراتىنا سۇيەنسەك, تەرەڭدىگى 20 سم-دەن كەم ءارى قاۋىپتى, باتپاقتى – كىشى تالدىكول ماڭى قالپىنا كەلتىرىلىپ, اباتتاندىرىلادى. وندا الەۋمەتتىك نىساندار, ياعني تۇرعىن ۇيلەر, مەكتەپتەر, مەديتسينا ورتالىقتارى سالىنادى.
«كىشى تالدىكولدى قالپىنا كەلتىرۋ جۇمىستارى اكۆاتوريا قۇرا وتىرىپ, جاعالاۋ سالۋعا مۇمكىندىك بەرەدى: بولاشاقتا ەكى جاعالاۋدى جالعايتىن كوپىر سالۋ, قالا تۇرعىندارى ءۇشىن سۋ كولىگىن ىسكە قوسۋ, سونداي-اق فلورا مەن فاۋناسى بار ەكوكليماتتى ساقتاۋ جوسپارلانىپ وتىر», دەپ جازىلعان حابارلامادا.
سونداي-اق كىشى تالدىكول سۋلى-باتپاقتى نىسانى اعىن سۋلار جينالعان ورىن بولعانىن, ۇلكەن تالدىكول سۋىمەن تابيعي بايلانىسى جوق ءارى جەرۇستى اعىنى مەن جەراستى سۋلارى ارقىلى ءوزارا بايلانىسپايدى.
«تالدىكولدىڭ (ۇلكەن تالدىكول) ءوزىنىڭ ەكولوگيالىق ينفراقۇرىلىمى بولادى. تالدىكول كولىنىڭ جانىندا قورىق, ورمان-ساياباق ايماعى بار ەلىمىزدەگى العاشقى تابيعي پارك اشىلادى. ال ەكىنشى ەكوپارك – مايبالىق كولىنىڭ ماڭى (اۋەجاي باعىتى بويىنشا وڭتۇستىك-شىعىس جاعى) تارتىمدى ورىنداردىڭ ءبىرى بولماق», دەپ جازادى ۆەدومستۆو.
