قارجىلىق مونيتورينگ اگەنتتىگىنىڭ پاۆلودار وبلىسى بويىنشا اۋماقتىق دەپارتامەنتى «سىباعا» مەملەكەتتىك باعدارلاماسى اياسىندا بولىنگەن قاراجاتتى جىمقىرعان تۇلعالار توبى قىزمەتىنىڭ جولىن كەستى.
ماسەلەن, پاۆلودار قالاسىنىڭ تۇرعىنى س.مۋكين مەملەكەتتەن سۋبسيديالاردى زاڭسىز الۋ ماقساتىندا رەسەي اۋماعىندا ءىرى قارا مال ساتىپ الىپ, ونى «گەرەفورد», «سيممەنتال» اسىل تۇقىمدى قارا مال رەتىندە كورسەتكەن.
اتاپ ايتقاندا, سۋبسيديالار الۋعا ارنالعان وتىنىمدەردە ول ىقم تۋرالى جالعان مالىمەتتەردى كورسەتىپ, ال ساتىپ الۋ-ساتۋ شارتتارىن ءوزى قولدان جاساعان.
سونداي-اق, رەسەي فەدەراتسياسىنىڭ ۋاكىلەتتى ورگاندارى اسىل تۇقىمدى مال ساتىپ الۋ دەرەگىن راستامايدى.
بۇدان ءارى 100 مىڭنان 6 ميلليون تەڭگەگە دەيىنگى اقشالاي سىياقى ءۇشىن س.مۋكين باسقا كاسىپورىندارعا مەملەكەتتىك سۋبسيديالاردى زاڭسىز الۋعا كومەك كورسەتكەن.
تەرگەۋ انىقتاعانداي, مۇنداي سحەما بويىنشا پاۆلودار وبلىسىنداعى 10 شارۋا قوجالىعى 216 ميلليون تەڭگەگە زاڭسىز سۋبسيديا العان.
باس ۇيىمداستىرۋشى مەن سىبايلاستار ءارتۇرلى مەرزىمگە سوتتالدى.
