«ۇلتتىق قوردىڭ اكتيۆتەرى بيىلعى تامىزدىڭ سوڭىندا 56,9 ملرد اقش دوللارى بولدى. تامىزدا 396 ملرد تەڭگەگە نىسانالى جانە كەپىلدەندىرىلگەن ترانسفەرتتەردى ءبولۋ ءۇشىن 845 ملن اقش دوللارى ساتىلدى. تامىزدا ۇلتتىق قورعا تۇسكەن تۇسىمدەر – 420 ملرد تەڭگە», دەيدى ۇلتتىق بانك باسشىسى.
ونىڭ ايتۋىنشا, تامىزدا ۇلتتىق قوردىڭ ينۆەستيتسيالىق كىرىسى وڭ قالىپتاسىپ, 316 ملن دوللار بولعان. تامىز ايىندا اكتسيالاردىڭ 431 ملن دوللارعا نەمەسە 2,52%-عا ءوسۋى وبليگاتسيالار مەن التىن باعاسىنىڭ تومەندەۋىنە بايلانىستى تۋىنداعان شىعىنداردى جاۋىپ كەتكەن.
«جىل باسىنان بەرى ۇلتتىق قوردىڭ ينۆەستيتسيالىق كىرىسى اكتسيالار نارىعىندا ءوسىپ, 2,3 ملرد دوللار نەمەسە 4,11% بولدى», دەدى ەربولات دوساەۆ.
ەسكە سالساق, ۇلتتىق بانك توراعاسى جىل سوڭىنا دەيىن ينفلياتسيانىڭ قاي دەڭگەيگە باراتىنىن بولجادى.
