فەدەرالدىق تەرگەۋ بيۋروسى اقش-تاعى ساۋد ارابياسىنىڭ ازاماتتارى مەن 11 قىركۇيەك ايىندا بولعان لاڭكەستىك وقيعا اراسىنداعى بايلانىستى زەرتتەيتىن قۇپيا قۇجاتتى جاريالادى.
جارىلىستا قازا تاپقانداردىڭ تۋىستارى ساۋديالىق شەنەۋنىكتەردىڭ بۇل تۋرالى الدىن الا بىلگەنىن, بىراق شابۋىلدى توقتاتۋعا تىرىسپاعانىن العا تارتىپ, قۇپيا قۇجاتتاردى اشۋعا شاقىردى. بىراق قۇجاتتا ساۋد ارابياسى ۇكىمەتىنىڭ 11 قىركۇيەك وقيعاسىنا قاتىسقانى تۋرالى ەشقانداي دالەل جوق. ۇشاقتاردى ۇرلاعان 19 ادامنىڭ 15-ءى ساۋد ارابياسىنىڭ ازاماتى بولدى.
قۇجاتتاردى جاريالاۋ الدىندا ساۋد ارابياسىنىڭ ۆاشينگتونداعى ەلشىلىگى كەلىسىم بەردى جانە پاتشالىق پەن ۇرلىقشىلار اراسىنداعى بايلانىستى جوققا شىعاردى, مۇنداي مالىمدەمەنى «جالعان جانە زياندى» دەپ اتادى.
قۇجات اقش-تاعى ەڭ جويقىن لاڭكەستىك شابۋىلدىڭ 20 جىلدىعىندا اشىلدى. 2001 جىلدىڭ 11 قىركۇيەگىندە ءتورت جولاۋشىلار ۇشاعىن ۇرلاعاننان كەيىن دۇنيەجۇزىلىك ساۋدا ورتالىعىنىڭ ەكى مۇناراسىنا سوقتىعىستى. ناتيجەسىندە 3000-عا جۋىق ادام قازا تاپتى. بۇل كوپشىلىككە جاريالانۋى مۇمكىن العاشقى قۇجاتتاردىڭ ءبىرى.
كەيبىر قۇربانداردىڭ وتباسى پرەزيدەنت دجو بايدەننەن قۇجاتتاردى كوپشىلىككە جاريا ەتۋدى تالاپ ەتتى. ەگەر قۇجاتتاردى اشۋعا دايىن بولماسا, سەنبىدە نيۋ-يوركتە وتەتىن ەسكە الۋ راسىمىنە قاتىسپاۋعا شاقىردى.
جاريالانعان 16 بەتتىك قۇجات ءالى دە قاتتى وڭدەلگەن. ول قۇپيا دەرەككوزگە (قۇجاتتا PII دەپ جازىلعان) بەرگەن سۇحباتقا نەگىزدەلگەن جانە ۇشاق ۇرلاعان ناۆاف ءال-حازمي مەن حاليد ءال-ميدحاردىڭ ساۋد ارابياسىنىڭ بىرقاتار ازاماتىمەن اراسىنداعى بايلانىسىن سيپاتتايدى.
ۇرلىق جاساعاندار 2000 جىلى اقش-قا كىرۋ ءۇشىن وزدەرىن ستۋدەنت رەتىندە كورسەتكەن. فەدەرالدىق تەرگەۋ بيۋروسىنىڭ جازباسىندا ومار ءال-بايۋمي ايتارلىقتاي ماتەريالدىق-تەحنيكالىق قولداۋ العانىن ايتادى. كۋاگەرلەردىڭ ايتۋىنشا, ول ستۋدەنت بولعانىنا قاراماستان, ساۋد ارابياسىنىڭ لوس-اندجەلەستەگى كونسۋلدىعىنا ءجيى كەلەتىن.
فتب دەرەككوزى بايۋمي مىرزانىڭ كونسۋلدىقتا «مارتەبەسى وتە جوعارى» بولعانىن ايتادى.
