اتاپ ايتقاندا, تۇركى اكادەمياسى باسىپ شىعارعان الىشەر ءناۋايدىڭ «حامسا» جيناعىنا ايگىلى «ەسكەندىر قورعانى» جانە ء«لايلى – ءماجنۇن» داستاندارى ەنگىزىلگەن. كورنەكتى اقىن, قر مەملەكەتتىك سىيلىعىنىڭ لاۋرەاتى نەسىپبەك ايت ۇلى اۋدارعان اتالعان جىرلار ادەبيەتشى قاۋىمنىڭ جوعارى باعاسىن العان, كوركەمدىك دەڭگەيى جوعارى نۇسقالار سانالادى.
سونىمەن قاتار, ءا.ناۋايدىڭ «مۋحاكاماتۋل-لۋعاتاين» اتتى قۇندى ەڭبەگى العاش رەت تۇركى اكادەمياسىنىڭ قولداۋىمەن قازاق تىلىنە تارجىمەلەنىپ, ترانسليتەراتسياسى, فاكسيميلەسى قوسا بەرىلىپ وتىر.
بۇدان بولەك, اكادەميا ناۋايدىڭ ءتۇبى ءبىر تۇركى تىلدەرىنە اۋدارىلعان تاڭداۋلى عازالدارىن ارنايى جيناق رەتىندە باسىپ شىعاردى.
القالى جيىنعا حالىقارالىق تۇركى اكادەمياسىنىڭ پرەزيدەنتى دارحان قىدىرالى, وزبەكستان رەسپۋبليكاسىنىڭ ءبىلىم ءمينيسترى شەرزود شەرماتوۆ, قازاقستان رەسپۋبليكاسىنىڭ وزبەكستان رەسپۋبليكاسىنداعى توتەنشە جانە وكىلەتتى ەلشىسى دارحان ساتىبالدى, وزبەكستان جازۋشىلار وداعىنىڭ توراعاسى سيروجيددين ساييد, سونىمەن قاتار وزبەكستان ۇكىمەتىنىڭ لاۋازىمدى تۇلعالارى, قازاق جانە وزبەك زيالى قاۋىم وكىلدەرى قاتىسادى.
