قوعام • 12 قىركۇيەك، 2021

وزىق قوعامنىڭ قالىپتاسۋى – ۇلگىلى وتباسىنىڭ كوپ بولۋىمەن بايلانىستى -ايدا بالاەۆا

68 رەت كورسەتىلدى

بۇگىن — وتباسى كۇنى. وسى ورايدا قر اقپارات جانە قوعامدىق دامۋ ءمينيسترى ايدا بالاەۆا قازاقستاندىقتاردى ايتۋلى كۇنمەن قۇتتىقتادى، دەپ حابارلايدى Egemen.kz.

«بارشاڭىزدى بۇگىنگى كەرەمەت مەرەكە – وتباسى كۇنىمەن شىن جۇرەكتەن قۇتتىقتايمىن! ەلباسىمىزدىڭ ۇسىنىسىمەن باستالعان بۇل مەيرام بۇگىندە قوعام بولىپ ۇيىسىپ اتاپ وتەتىن شىن مانىندەگى جالپىحالىقتىق مەرەكەگە اينالدى. وتباسى – مەملەكەتتىڭ تىرەگى، قوعامنىڭ وزەگى. وزىق قوعامنىڭ قالىپتاسۋى – ۇلگىلى وتباسىلار كوپ بولۋىنا تىكەلەي بايلانىستى. بيىل 30 جىلدىق بەلەسىن باعىندىرىپ وتىرعان تاۋەلسىزدىك جىلدارى ىشىندە ەلىمىزدە وتباسى ينستيتۋتى جاڭا ۇلگىدە جاڭارىپ، وزىندىك جولىن انىقتادى دەپ نىق سەنىممەن ايتا الامىز»، دەپ جازدى ا.بالاەۆا Facebook-تەگى پاراقشاسىندا.

سونداي-اق، مينيستر ەلىمىزدەگى كوپ ۇلتتى، كوپكونفەسسيالى قوعامداعى وتباسىلارعا ورتاق بىرەگەي قۇندىلىقتاردى اتاپ بەردى.

«ول – بىرلىك پەن تاتۋلىق، توزىمدىلىك پەن تۇراقتىلىق. بۇنىڭ اسىرەسە ۇرپاق تاربيەسىندەگى ماڭىزى پەن ورنى وتە زور. سەبەبى قوعامدىق مادەنيەتتىڭ تامىرى – ۇلگىلى وتباسىلىق تاربيەدەن باستالادى، وزىق وتباسىلار قاتارى – ىشكى بىرلىگى مەن بەرەكەسى مىقتى قوعامدى قۇرادى»، دەيدى ول.

ە

ودان بولەك، ۆەدومستۆو باسشىسى رەسپۋبليكالىق «مەرەيلى وتباسى» ۇلتتىق بايقاۋىنىڭ ماڭىزىنا توقتالىپ ءوتتى.

«جىل سايىن ۇيىمداستىرىلاتىن اتالعان بايقاۋ تۇتاس قوعامعا ۇلگى بولاتىن ونەگەلى وتباسىلار قاتارىنىڭ مول ەكەنىن، ەلدىڭ بولاشاعىنىڭ زور ەكەنىن كورسەتەدى. وسىنداي وتباسىلار – ەرتەڭگى ەل باسقاراتىن زيالى ازاماتتى دا تاربيەلەيدى، باسەكەگە قابىلەتتى قوعامدى دا قالىپتاستىرادى. سوندىقتان وتباسى مەرەكەسى بارشاڭىزعا قۇتتى بولسىن! دەندەرىڭىزگە ساۋلىق، باياندى باقىت پەن بەرەكەلى تاتۋلىق تىلەيمىن! وتباسىلارىڭىز امان بولسىن!»، دەپ لەبىزىن ءبىلدىردى مينيستر.

سوڭعى جاڭالىقتار

تمد ءسامميتى قازان ايىندا وتەدى

پرەزيدەنت • بۇگىن، 19:56

بۇگىنگى ۆاليۋتا باعامى

قارجى • بۇگىن، 10:17

ەلىمىزدە 9،5 ملن ادام ەكپە سالدىردى

كوروناۆيرۋس • بۇگىن، 09:49

ۇقساس جاڭالىقتار