«قازاقستان» تەلەراديوكورپوراتسياسى فۋتبولدان UEFA EURO 2020 ەۋروپا چەمپيوناتىنىڭ كورسەتىلىمىنەن كەيىن فۋتبول جانكۇيەرلەرىن تاعى دا قۋانتپاق. بۇل جولى كورپوراتسيا ۋەفا چەمپيوندار ليگاسى, ەۋروپا ليگاسى جانە كونفەرەنتسيا ليگاسىنىڭ ويىندارىن قازاقستان رەسپۋبليكاسىنىڭ اۋماعىندا كورسەتۋ قۇقىعىنا يە بولدى. Qazaqstan جانە Qazsport تەلەارنالارى ەۋروپانىڭ ەڭ ۇزدىك كلۋبتارىنىڭ 2021/2022 ماۋسىمىنداعى تارتىستى ماتچتارىن كورسەتەدى», دەلىنگەن كورپوراتسيا اقپاراتىندا.
بيىل ۋەفا-نىڭ جاڭا كلۋبتىق ءتۋرنيرى - كونفەرەنتسيا ليگاسى قۇرىلدى. وعان الماتىنىڭ «قايرات» كلۋبى قاتىسادى. «قايرات» ءوز تاريحىندا ەۋروكۋبوكتىڭ توپتىق كەزەڭىنە العاشقى رەت شىعىپ وتىر. قازاقستاندىق كوماندا H توبىندا شۆەيتساريانىڭ «بازەل», ازەربايجاننىڭ «كاراباح» جانە كيپردىڭ «ومونيا» كوماندالارىمەن پلەي-وفف جولداماسى ءۇشىن سىنعا تۇسەدى.
