96 جاستاعى ۇلى وتان سوعىسىنىڭ ارداگەرى الۋادين وراقوۆتىڭ اۋلەتىن وبلىس اكىمى نۇرلان نوعاەۆ قۇتتىقتاپ, پرەزيدەنتتىڭ اتىنان ارنايى ديپلوم تابىستادى.
عاسىرعا جۋىقتاعان الۋادين وراقوۆ بۇگىندە 8 بالا ءوسىرىپ, ولاردان 33 نەمەرە مەن 48 شوبەرە ءسۇيىپ وتىر. باسىم بولىگى ءبىلىم سالاسىندا ەڭبەك ەتۋدە.
وبلىس اكىمى ن.نوعاەۆ بايقاۋعا قاتىسۋشى ءاربىر وتباسىنىڭ تاريحى, بۇل – قازاقستان تۇرمىسىنىڭ ەنتسيكلوپەدياسى ەكەنىن اتاپ ءوتتى.
«مەرەيلى وتباسى» جاي عانا ايتىلاتىن ءسوز ەمەس. ول انانىڭ ايالى الاقانى, اكەنىڭ ىستىق مەيىرىمى, تۋعان-تۋىسقاننىڭ جۇرەك جىلۋى. ءاربىر شاڭىراقتاعى بەرەكە تۇپتەپ كەلگەندە تۇتاس ەلدىڭ بەرەكەسى. ادامعا ەڭبەكقورلىق, وتانسۇيگىشتىك, جاسامپازدىق پەن مەيىرىمدىلىك سياقتى اسىل قاسيەتتەر وتباسى ارقىلى داريدى. ونەگەلى وتباسىنىڭ تىرەگى الۋادين اقساقال ۇرپاعىمەن مىڭ جاساسىن, ءوسىپ-وركەندەي بەرىڭىزدەر!», دەدى ءوڭىر باسشىسى.
ماڭعىستاۋ وبلىسى بالا تۋ كورسەتكىشى بويىنشا ەلىمىزدە ۇزدىك ۇشتىكتە. سوڭعى جىلدارى بۇل كورسەتكىش 30 پايىزعا وسكەن. بۇگىندە ايماقتا 41 مىڭنان استام كوپبالالى انا بار. ونىڭ 11 مىڭنان استامى «التىن القا» جانە «كۇمىس القا» يەگەرى.
ال تاۋەلسىزدىك العالى ماڭعىستاۋ وبلىسى حالقىنىڭ سانى 2,5 ەسە ارتتى.
