ۇكىمەت • 10 قىركۇيەك، 2021

ۇكىمەت دەلەگاتسياسى جامبىل وبلىسىنا باردى

30 رەت كورسەتىلدى

قر پرەمەر-ءمينيسترىنىڭ ورىنباسارى ەرالى توعجانوۆ باستاعان ۇكىمەتتىك دەلەگاتسيا جامبىل وبلىسىنا جۇمىس ساپارىمەن باردى، دەپ جازادى Egemen.kz.

ەرالى توعجانوۆ اسكەري قويمالارداعى جارىلىستان زارداپ شەككەن بايزاق اۋدانىنىڭ تۇرعىندارىنا كومەك كورسەتۋ جانە قالپىنا كەلتىرۋ جۇمىستارىمەن تانىستى.

ۆيتسە-پرەمەر ينسپەكتسيا بارىسىندا كەنتتى قالپىنا كەلتىرۋ تولىق قارقىنمەن جۇرگىزىلىپ جاتقانىنا كوز جەتكىزدى، بۇل شارالارعا 185 ادام مەن 23 ارنايى تەحنيكا جۇمىلدىرىلعان. قازىردىڭ وزىندە 62 جەكە قۇرىلىستىڭ جوندەۋ جۇمىستارى اياقتالدى.

جىبەك جولى اۋىلىندا 150 ورىندىق جاڭا مەكتەپ سالۋ جۇمىستارى باستالدى. سونداي-اق ۇشبۇلاق جانە بازارباي اۋىلدارىنداعى مەكتەپتەر دەمەۋشىلىك قاراجات ەسەبىنەن قالپىنا كەلتىرىلدى.

تارازدا ە.توعجانوۆ «Super Pharm» جشس-دە بولدى. جامبىل وبلىسىنىڭ اكىمى بەردىبەك ساپارباەۆ وڭىردە فارماتسەۆتيكالىق ءونىم شىعارۋ كولەمى ارتىپ كەلە جاتقانىن اتاپ ءوتتى. مۇندا تاۋلىگىنە 60 مىڭ مەديتسينالىق ماسكا، جىلىنا 15 ميلليون مەديتسينالىق بۇيىم شىعارىلادى.

وڭىردەگى ءىرى جوبالاردىڭ ءبىرى «امير جانە د» جشس فارماتسەۆتيكالىق باعىتتاعى وندىرىستىك كەشەنى بولىپ تابىلادى. زاۋىتتا جىلىنا 15 ميلليون ەكسپرەسس-تەست، ونىڭ ىشىندە كوروناۆيرۋس، ا، ۆ، س گەپاتيتتەرىن انىقتاۋعا ارنالعان، 1،5 ميلليون باقىلاۋ ەرىتىندىسى جانە باسقا دا مەديتسينالىق ماقساتتاعى ونىمدەر شىعارىلاتىن بولادى.

ۆيتسە-پرەمەر سونداي-اق «ساۋلە» جشس كونديتەرلىك فابريكاسىنا باردى جانە وبلىستىق ونكولوگيالىق ديسپانسەردىڭ قۇرىلىس بارىسىمەن تانىستى. قازىرگى ۋاقىتتا ونكوورتالىقتىڭ ىشكى ارلەۋى 90% - عا، سىرتقى ارلەۋى 95% - عا اياقتالدى. ديسپانسەر الەمدىك ستاندارتتارعا سايكەس كەلەتىن تەحنولوگيالىق جابدىقتارمەن جاراقتاندىرىلاتىن بولادى.

ە.توعجانوۆ جەكە ينۆەستيتسيالار ەسەبىنەن سالىنعان «Arai–Elite» گيمنازياسىندا بولدى. مەكتەپتە 1 400 بالا تەگىن ءبىلىم الادى. وقۋشىلار ماتەماتيكا مەن اعىلشىن ءتىلىن تەرەڭدەتىپ وقيدى.

«كونە تاراز» تاريحي-ەتنومادەني كەشەنىن ارالاۋ بارىسىندا ۆيتسە-پرەمەر تارازدىڭ ساۋلەتى تۇبەگەيلى وزگەرىسكە ۇشىراعانىن اتاپ ءوتتى.  كەشەن اۋماعىندا بىركەلكى ستيلدە بىرنەشە نىسان سالىنعان: اشىق اسپان استىنداعى امفيتەاتر، كوركەمسۋرەت گالەرەياسى، وبلىستىق تاريحي-ولكەتانۋ مۇراجايى، شەرحان مۇرتازا اتىنداعى «رۋحانيات جانە تاريحتانۋ» ورتالىعى، شەبەرلەر مەن قولونەرشىلەر گالەرەياسى، تۋريزم ورتالىعى، كورمە پاۆيلونى.

سوڭعى جاڭالىقتار

دوللار ارزاندادى

قارجى • كەشە

ۇقساس جاڭالىقتار