قازاقستان • 09 قىركۇيەك، 2021

سەناتورلار ەرەكشە قاجەتتىلىگى بار بالالاردىڭ جاعدايىنا قاتىستى ماسەلە كوتەردى

22 رەت كورسەتىلدى

بۇگىن سەنات سپيكەرى ماۋلەن اشىمباەۆتىڭ توراعالىعىمەن پالاتا وتىرىسى ءوتتى، دەپ حابارلايدى Egemen.kz.

وندا دەپۋتاتتار باسقا جۇمىسقا اۋىسۋىنا بايلانىستى تالعات جاقاننىڭ وكىلەتتىگىن توقتاتۋ جانە ونى لاۋازىمنان بوساتۋ تۋرالى رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتى ءتورايىمىنىڭ ۇسىنىسىن قارادى. تالقىلاۋ ناتيجەسىندە سەناتورلار تالعات جاقاننىڭ وكىلەتتىگىن توقتاتۋ تۋرالى شەشىم قابىلدادى.

سونىمەن قاتار سەنات وتىرىسىندا «2014 جىلعى 29 مامىرداعى ەۋرازيالىق ەكونوميكالىق وداق تۋرالى شارتقا ارمەنيا رەسپۋبليكاسىنىڭ قوسىلۋىنا بايلانىستى وعان وزگەرىستەر ەنگىزۋ تۋرالى حاتتامانى راتيفيكاتسيالاۋ تۋرالى» زاڭ جوباسى قارالىپ، قابىلداندى. بۇل قۇجات ەاەو-عا مۇشە مەملەكەتتەردىڭ زاڭناماسىنا سايكەس ارمەنيا، بەلارۋس، قازاقستان جانە رەسەي فەدەراتسياسىنىڭ اۋماعىندا ەلەكتر ەنەرگياسىن مەملەكەتارالىق بەرۋدى شارتتىق رەسىمدەۋگە قويىلاتىن تالاپتاردى بەلگىلەيدى.

«قازىرگى تاڭدا ەلەكتر ەنەرگياسىن ءتيىمدى پايدالانۋ ەكونوميكانى دامىتۋ ءۇشىن ماڭىزدى. وسى تۇرعىدان كەلگەندە، بۇل زاڭ ەۋرازيالىق ەكونوميكالىق وداققا مۇشە ەلدەردىڭ ەنەرگەتيكا سالاسىنداعى ىنتىماقتاستىعىن ارتتىرۋعا وڭ اسەرىن تيگىزەدى دەپ سەنەمىز»، دەدى ماۋلەن اشىمباەۆ.

سونداي-اق پالاتا وتىرىسى كەزىندە سەناتورلار وزدەرىنىڭ دەپۋتاتتىق ساۋالدارىن جولدادى. دەپۋتات بەكبولات ورىنبەكوۆ جامبىل وبلىسىنداعى توتەنشە جاعدايلار قىزمەتىنىڭ شتاتتىق سانىن كوبەيتۋ جانە تەحنيكالىق جابدىقتالۋىن جاقسارتۋ ماسەلەسىن كوتەردى. سەناتور دينار نوكەتاەۆا ەرەكشە قاجەتتىلىگى بار بالالاردىڭ ماسەلەلەسىنە نازار اۋداردى. ال، اقىلبەك كۇرىشباەۆ اۋىل شارۋاشىلىعىن ودان ءارى دامىتۋ ءۇشىن جاڭا جۇيەنى ەنگىزۋ قاجەتتىگىن ايتتى. ودان بولەك، سەناتورلار ەكولوگيا جانە ەكولوگيالىق باقىلاۋ ماسەلەلەرىن ءسوز ەتتى. دەپۋتات سۇيىندىك الداشەۆ ماڭعىستاۋ وبلىسىنداعى «قوشقار اتا» راديواكتيۆتى قالدىقتار قويماسىنا قاتىستى پروبلەماعا الاڭداۋشىلىق بىلدىرسە، اندرەي لۋكين اۋانىڭ جاي-كۇيىنە ەكولوگيالىق باقىلاۋ جۇرگىزۋدى كۇشەيتۋدى تالاپ ەتتى.

سوڭعى جاڭالىقتار

9 سۋ قويماسى سالىنادى

ەكولوگيا • كەشە

ۇقساس جاڭالىقتار