ء«بىز كوروناۆيرۋستىڭ S اقۋىزىن كلوندادىق. كەيىن ونى قىزاناققا ەنگىزدىك. نەگە بۇل ءونىم تاڭدالدى دەگەن سۇراق تۋى مۇمكىن. ويتكەنى, بۇل كوكونىستى ءبىز تەرمووڭدەۋدەن وتكىزبەي-اق جەي بەرەمىز. ەگەردە قىزاناقتى سۋدا قايناتساق نەمەسە ىستىق تەمپەراتۋرادا ۇستاساق, وندا ۆاكتسينانىڭ قاسيەتى جويىلىپ كەتەدى. بۇل ءونىم اسقازان ارقىلى ىشەككە وتكەننەن كەيىن اعزاعا ەركىن سىڭەدى. سودان سوڭ انتيدەنەلەر پايدا بولا باستايدى», دەپ ءتۇسىندىردى عىلىم اكادەمياسى گەنوميكا جانە بيوينفورماتيكا ورتالىعىنىڭ ديرەكتورى زابارداست بۋريەۆ.
«حابار 24» ارناسىنىڭ جازۋىنشا, قازىر جەۋگە جارامدى ۆاكتسينا كلينيكاعا دەيىنگى سىناقتان ءوتىپ جاتىر. ءونىم زەرتحانالىق تىشقانداردىڭ تاماعىنا قوسىلىپ بەرىلەدى. بارلىق تەكسەرىستى تولىققاندى جۇرگىزۋ ءۇشىن شامامەن 2-3 جىل ۋاقىت قاجەت. مامانداردىڭ ايتۋىنشا, مۇنداي ۆاكتسينانى ءوسىرۋ مەن قولدانۋ ءۇشىن كوپ قارجى كەتپەيدى.
جالپى جەۋگە جارامدى ۆاكتسينا قولدانىستا بار تاجىريبە. بۇعان دەيىن دە ءتۇرلى ەلدىڭ عالىمدارى گەپاتيت, شەشەك سىندى اۋرۋلارعا قارسى تۇرا الاتىن وسىمدىك تەكتەس ەكپەلەر جاساعان. قازىر وزبەك عالىمدارىمەن قاتار كانادا جانە رەسەي ماماندارى دا كوروناۆيرۋس ينفەكتسياسىنا قارسى جەۋگە جارامدى ۆاكتسينا جاساپ جاتىر. ازىرگە ولاردىڭ ەشبىرى قولدانىسقا ەنگەن جوق.
