وزبەكستان سەناتىنىڭ مۇشەسى كۋدراتيللا رافيكوۆ 19 تامىزدا ميرزياەۆتىڭ جاساعان ىستەرىن ۇلت الدىندا ماداقتاپ, ماقالا جازدى.
«وزبەكتەر, اسىرەسە جاس ۇرپاق, پرەزيدەنتكە وتە قاتتى سەنەدى, ال بالالار پرەزيدەنتتى ءتىپتى ماقتان تۇتادى», دەپ جازدى ول.
سونىمەن قاتار وسى جازباسىندا پرەزيدەنتكە قۇرمەتتى اتاق بەرۋدى ۇسىندى.
«ميرزياەۆتى «ميللات ساردوري», ياعني «ۇلت كوسەمى» دەپ اتاۋعا ابدەن بولادى», دەپ تۇيىندەگەن سەناتور.
بىرنەشە كۇننەن سوڭ پارلامەنتتىڭ تاعى ءبىر پالاتاسىنىڭ دەپۋتاتى اكمال سايدوۆ تا ماقالا جازىپ, وندا پرەزيدەنتتى «ۇلت باسشىسى» دەپ اتاعان.
رەسمي ەمەس بۇل اتاقتى كەيبىر اقپارات قۇرالدارى قولدانىپ ءجۇر.
«ميرزياەۆتىڭ بۇعان نە دەيتىنى ازىرگە بەلگىسىز. بۇنىڭ الدىندا ول ماقتاعاندى ۇناتپايتىنىن مالىمدەگەن», دەپ جازادى ورتالىق ازيانىڭ جاڭالىقتار قىزمەتى.
