سپورت • 08 قىركۇيەك، 2021

فۋتبولدان قازاقستان قۇراماسى بوسنيالىقتارمەن تەڭ ءتۇستى

52 رەت كورسەتىلدى

فۋتبولدان قازاقستان قۇراماسى 2022 جىلعى الەم چەمپيوناتىنىڭ ىرىكتەۋ تۋرنيرىندە بوسنيا جانە گەرتسەگوۆينامەن تەڭ ءتۇستى، دەپ حابارلايدى Egemen.kz.

زەنيتسادا وتكەن كەزدەسۋدە الاڭ يەلەرى فاۆوريت بولعان. الايدا ماتچ 2:2 ەسەبىمەن اياقتالىپ، سەنساتسيا تىركەلدى. 

ماتچ ەسەبىن قوناقتار اشتى. 62-مينۋتتا يسلامبەك قۋات بۇرىشتان اۋەلەگەن دوپتى قاقپادا تۋلاتتى. 

بوسنيالىقتار 12 مينۋتتان كەيىن تارازى باسىن تەڭەستىردى: ميرالەم پيانيچ پەنالتيدەن كوزگە ءتۇستى. 86-مينۋتتا الاڭ يەلەرى العا شىقتى: لۋكا مەنالو بۇرىشتاما كەزىندە قاراۋسىز قالىپ، باسپەن ءدال سوققى جاسادى. 

بىراق ماتچ سوڭىنا دەيىن تالعات ءبايسۋفينوۆتىڭ شاكىرتتەرى ەسەپتى تەڭەستىرە الدى. قوسىمشا ۋاقىتتا باقتيەر زاينۋتدينوۆ ايىپ سوققىسىنان گول سالدى. 

بۇل ويىننان كەيىن قازاقستان قۇراماسى ءۇش ۇپايمەن D توبىندا بەسىنشى ورىندا تۇر. ءتورتىنشى ورىنداعى بوسنيالىقتاردىڭ دا ءۇش ۇپايى بار. 

سوڭعى جاڭالىقتار

تاعى 1650 قازاقستاندىق ىندەت جۇقتىردى

كوروناۆيرۋس • بۇگىن، 09:00

سوفيادان ولجالى ورالدى

سپورت • بۇگىن، 08:40

ۇقساس جاڭالىقتار