قوعام • 07 قىركۇيەك، 2021

ورتا مەكتەپ مۇعالىمدەرىنە سۇرانىس ارتىپ كەلەدى

118 رەت كورسەتىلدى

ەلەكتروندىق ەڭبەك بيرجاسىنىڭ دەرەكتەرىنە سايكەس، اعىمداعى جىلدىڭ تامىز ايىندا جۇمىس ىزدەۋشىلەر مەن جۇمىس بەرۋشىلەر 57،5 مىڭ تۇيىندەمە مەن 113،1 مىڭ بوس جۇمىس ورنى جونىندە حابارلاما ورنالاستىردى، دەپ جازادى Egemen.kz.

شىلدەمەن سالىستىرعاندا تۇيىندەمەلەر سانى 20%-عا، ال بوس ورىندار تۋرالى حابارلاندىرۋ سانى 38%-عا ارتتى. جاڭا وقۋ جىلى قارساڭىندا الماتى (+130%)، جامبىل (+142%) جانە ماڭعىستاۋ (101%) وبلىستارىندا جوعارى بىلىكتى ماماندارعا، اسىرەسە ورتا مەكتەپ مۇعالىمدەرىنە سۇرانىس ايتارلىقتاي وسكەن.

تامىز ايىندا كاسىبي ماماندار اراسىندا بەلسەندىلىكتىڭ ارتۋى بايقالدى. ماسەلەن، وتكەن ايمەن سالىستىرعاندا بوس ورىندار سانى 135%-عا (+16،7 مىڭ بىرلىك)، ال تۇيىندەمە 71%-عا (+21،2 مىڭ) ارتتى. سونىمەن قاتار، بۇل توپ اراسىندا ەڭ كوپ سۇرانىسقا يە شەت تىلدەرى (+1،8 مىڭ)، ورىس ءتىلى مەن ادەبيەتى (+1،7 مىڭ)، سونداي-اق باستاۋىش سىنىپتار مەن ماتەماتيكا (+1،2 مىڭ) مۇعالىمدەرى بولدى.

سونىمەن قاتار، ىزدەنۋشىلەر اراسىندا ورتا مەكتەپ، ونىڭ ىشىندە شەت ءتىلى (+1،4 مىڭ)، باستاۋىش سىنىپ (+844)، دەنە شىنىقتىرۋ (+810) جانە قازاق ءتىلى (+725) مۇعالىمدەرىنىڭ تۇيىندەمەلەرى سانىنىڭ ءوسۋى بايقالادى.

«وتكەن ايدا ۇسىنىس بەلگىلى ءبىر ماماندارعاا دەگەن سۇرانىستى ءىشىنارا قاناعاتتاندىردى. سونىمەن قاتار وسى سالادا كەيبىر مامانداردىڭ تاپشىلىعى جانە ارتىلۋى قالىپتاستى. مىسالى، جۇمىس ىزدەپ جۇرگەن دەنە شىنىقتىرۋ جانە سپورت مۇعالىمدەرى تالاپ ەتىلگەننەن كوپ بولدى – 1269 تۇيىندەمەگە 805 بوس جۇمىس ورنى. ال  قازاق ءتىلى مەن ادەبيەتى مۇعالىمدەرى ءۇشىن 788 ۆاكانسيا اشىسا، تۇيىندەمە سانى - 1180»، دەپ اتاپ ءوتتى قر ەڭبەكمينى «ەڭبەك رەسۋرستارىن دامىتۋ ورتالىعى» اق باسقارۋشى ديرەكتورى الەكساندرا مولچانوۆسكايا.

ەڭبەك بيرجاسىنداعى تۇيىندەمەلەر مەن بوس جۇمىس ورىندارىنىڭ سانىن سالىستىرۋ قىزمەت كورسەتۋ جانە ساتۋ سالاسىندا قىزمەتكەر تاپشىلىعى بار ەكەنىن كورسەتتى. مىسالى، تامىز ايىندا كۇزەتشىلەر، ساتۋشى كونسۋلتانتتار،  كاسسيرلەر، اسپازدار، سونداي-اق تاربيەشىلەردىڭ كومەكشىسى كوبىرەك سۇرانىسقا يە بولدى.

«تامىز ايىندا ۇلتتىق حالىق ساناعىنا باينالىستى ساۋالناما جۇرگىزۋشىلەر ەڭ كوپ سۇرانىسقا يە بولدى: 2560 بوس ورىنعا تەك 8 تۇيىندەمە ۇسىنىلدى»، دەدى الەكساندرا مولچانوۆسكايا.

جالپى، بىلىكتىلىك توپتارى تۇرعىسىنان العاندا، الداعى ەگىن جيناۋعا بايلانىستى اۋىل شارۋاشىلىعى جۇمىستارىنىڭ قىزۋىنا قاراماستان، فەرمەرلەر مەن اۋىل شارۋاشىلىعىنىڭ وزگە دە جۇمىسكەرلەرى اراسىندا قىزمەتكەر جالداۋ 17%-عا، سونداي-اق وندىرىستەگى وپەراتورلار اراسىندا (-1%) قىسقاردى. بۇل رەتتە بىلىكتىلىگى جوق جۇمىس ەڭبەگىنە دەگەن سۇرانىس الدىڭعى ايلارداعىداي بارلىق جاريالانعان بوس ورىنداردىڭ تورتتەن ءبىر بولىگىن قۇرايدى، ولاردىڭ اراسىندا بوس جۇمىس ورىندارىنىڭ، اتاپ ايتقاندا، قوسالقى جۇمىسشىلار ءۇشىن (+2،1 مىڭ ادام) ايتارلىقتاي ءوسۋى بايقالادى. بۇل رەتتە بوس جۇمىس ورىندارىنىڭ سانى ەڭ كوپ قىزىلوردا (+142%)، باتىس قازاقستان (+81%) جانە الماتى وبلىستارىندا (+76%) ءوستى.

سوڭعى جاڭالىقتار

ۆاكتسينا سالدىرعاندار سانى ارتتى

كوروناۆيرۋس • بۇگىن، 09:17

1227 قازاقستاندىق ىندەتتەن ساۋىقتى

كوروناۆيرۋس • بۇگىن، 09:08

وتكەن تاۋلىكتە 1169 ادام ىندەت جۇقتىردى

كوروناۆيرۋس • بۇگىن، 09:01

قارسىلاستار انىقتالدى

سپورت • بۇگىن، 08:47

پۋتينتسەۆا ۇتىلىپ قالدى

سپورت • بۇگىن، 08:46

مەرەي كۇمىس الدى

سپورت • بۇگىن، 08:45

سەربيادان ولجالى ورالدى

سپورت • بۇگىن، 08:43

تەمىرتاۋدا گاز تۇتاندى

ايماقتار • بۇگىن، 08:43

جومارت جاننىڭ جاقسىلىعى كوپ

قوعام • بۇگىن، 08:40

مەدال سانى 70-تەن استى

سپورت • بۇگىن، 08:38

ادەبيەتتانۋ تارلانى

ادەبيەت • بۇگىن، 08:33

شۇمەكتەن شىققان سۋ مەن شۋ

قوعام • بۇگىن، 08:23

«اينەگىڭىزدى جۋىپ بەرەيىك»

قوعام • بۇگىن، 08:21

اۋىل ەڭبەككەرلەرىمەن جۇزدەستى

ساياسات • بۇگىن، 08:15

شەكارانىڭ شەبى بەرىك

قازاقستان • كەشە

ۇقساس جاڭالىقتار