پرەزيدەنتكە ترانسفورماتور ءوندىرىسىنىڭ تەحنولوگيالىق جەلىسى كورسەتىلىپ, كاسىپورىن قىزمەتكەرلەرىنە كورسەتىلىپ جاتقان الەۋمەتتىك قولداۋ شارالارى مەن ءوندىرىستى ودان ءارى كەڭەيتۋ جوسپارلارى ايتىلدى.
«Alageum Electric» زاۋىتىنىڭ قۇرىلىسىنا 10 ميلليارد تەڭگە ينۆەستيتسيا سالىنعان. جوبالىق قۋاتى بويىنشا كاسىپورىن جىلىنا 13 مىڭ ترانسفورماتور شىعارادى دەپ جوسپارلانعان. شىعارىلاتىن ءونىمنىڭ 98%-ى تمد ەلدەرىنە ەكسپورتتالادى.
كاسىپورىن جۇمىسشىلارى, سونىڭ ىشىندە وڭتۇستىك وڭىردەن كوشىپ كەلۋشىلەر جەڭىلدىكپەن تۇرعىن ءۇي الۋ مۇمكىندىگىنە يە. تالىمگەرلەرگە وقۋعا جانە جۇمىسقا ورنالاسۋعا جاعداي جاسالادى.
كەزدەسۋدى قورىتىندىلاي كەلە, قاسىم-جومارت توقاەۆ ەڭبەك ۇجىمىمەن اڭگىمەلەستى. پرەزيدەنت كاسىپورىننىڭ جۇمىسى مەن ونىڭ ەكسپورتتىق الەۋەتىنە جوعارى باعا بەردى. ول زاۋىتتىڭ تابىستى دامي بەرەتىنىنە سەنىم ءبىلدىرىپ, وتاندىق ءونىم وندىرۋشىلەرگە ۇكىمەت تاراپىنان جان-جاقتى كومەك كورسەتىلەتىنىن ايتتى.
