كانادانىڭ CBC حابار تاراتۋ اگەنتتىگىنىڭ حابارلاۋىنشا, ليبەرالدىق پارتيانىڭ جاقتاستارىمەن كەزدەسۋگە ونىڭ ساياساتىمەن كەلىسپەيتىن ازاماتتاردىڭ ۇلكەن توبى دا كەلگەن.
ولار كوروناۆيرۋس ينفەكتسياسىنا قارسى مىندەتتى ۆاكتسيناتسياعا نارازىلىق ءبىلدىرىپ, ەل تۇرعىندارىنىڭ قۇقىعى مەن بوستاندىعىن قورعاۋدى تالاپ ەتكەن. بۇل جايلى الەمدىك باق جازدى.
سونىمەن قاتار نارازى توپ ساياساتكەرگە بايلانىستى ۇراندار ايتتى. ال تاستاردىڭ ءبىر بولىگى تريۋدوعا, ءبىر بولىگى ونىڭ كۇزەتشىلەرىنە تيگەن.
ءبىر ۋىس تاستى اۆتوبۋستا وتىرعان پرەمەر-مينيسترگە قاراي لاقتىرعان ءسات تۇسىرىلگەن ۆيدەو الەۋمەتتىك جەلىلەردە تارالىپ كەتتى.
بۇعان دەيىن وسى سەكىلدى نارازىلىق سالدارىنان پرەمەر-مينيستر ونتاريو شتاتىنىڭ بولتون قالاسىندا وتەتىن شارادان باس تارتۋعا ءماجبۇر بولعان ەدى.
ايتا كەتەيىك, كانادا 20 قىركۇيەكتە مەرزىمىنەن بۇرىن پارلامەنتتىك سايلاۋدى وتكىزۋدى جوسپارلاپ وتىر.
