Energyprom جازۋىنشا, قازاقستاندا دامۋ قارقىنى حالىقتىڭ ءوسۋ قارقىنىنان بىرنەشە ەسە جوعارى. ماسەلەن, وسى جىلدىڭ جەتى ايىنىڭ قورىتىندىسى بويىنشا قازىردىڭ وزىندە 7,7 ميلليون شارشى مەتر پايدالانۋعا بەرىلدى. بۇل ءبىر جىل بۇرىنعى كورسەتكىشتەن 10,3% كوپ. بۇل رەتتە جالپى كولەمنىڭ تورتتەن ءۇش بولىگى قالادا پايدالانۋعا بەرىلدى. بيىل ەلىمىزدە 17 ملن شارشى مەتر تۇرعىن ءۇيدى پايدالانۋعا بەرۋ جوسپارلانعان. جوسپار ورىندالسا, جاڭا رەكوردتىق كورسەتكىش بولادى. سالىستىرۋ ءۇشىن: 2020 جىلى 15,3 ميلليون شارشى مەتر تاپسىرىلدى.
بۇل رەتتە قازاقستانداعى حالىق سانىنىڭ ءوسىمى جىل سايىن شامامەن 1,3% قۇرايدى. اعىمداعى جىلدىڭ 1 شىلدەسىندەگى جاعداي بويىنشا قازاقستان رەسپۋبليكاسىندا 19 ميلليون ادام بار. قالا حالقىنىڭ ءوسىمى 2% قۇراپ, 11,3 ملن ادامعا جەتتى. بۇل ەل تۇرعىندارىنىڭ 59,2%-ىن قۇرايدى.
مەملەكەتتىك باعدارلاما اياسىنداعى قولجەتىمدى يپوتەكالىق نەسيە تۇرعىن ءۇي قۇرىلىسى سالاسىنداعى قارقىندى وسىمگە سەبەپ بولدى. جىل باسىنان بەرى 7 ايدا «وتباسى» بانكى جاڭا باسپانا ساتىپ الۋ ءۇشىن 183,9 ملرد تەڭگەگە 14,4 مىڭ نەسيە بەردى.
بۇۇ ەكونوميكالىق جانە الەۋمەتتىك ماسەلەلەر دەپارتامەنتى 2050 جىلعا قاراي قازاقستاندا ۋربانيزاتسيا دەڭگەيى 69,1 پايىزعا جەتەدى دەپ بولجاپ وتىر. ياعني, ەلىمىزدىڭ 10 تۇرعىنىنىڭ 7-ەۋى قالادا تۇراتىن بولادى.
