العاشقى ويىندا جەرلەستەرىمىز يۋگورسكىنىڭ «گازپروم-يۋگرا» كلۋبىنا 0:2 ەسەبىمەن ەسە جىبەردى. كەلەسى كەزدەسۋدە رەسەي قۇراماسىنان جەڭىلدى – 4:7. سوڭعى ماتچتى ايتۋلى مەملەكەتتەردىڭ ۇلتتىق قۇرامالارى قايتا كۇش سىناستى. بۇل جولى تەڭ ەسەپ تىركەلدى.
«قاتارىنان ەكى كەزدەسۋدە جەڭىلدىك ەكەن دەپ جانكۇيەرلەردىڭ جىگەرى جاسىماسىن. وسىنداي ماڭىزدى جارىس قارساڭىندا ءبىز ادەيى مىقتى كوماندالاردى تاڭدادىق. ءبىر جاعىنان ءوزىمىزدىڭ مۇمكىندىگىمىزدى شامالاپ, ەكىنشى جاعىنان رەسەيدىڭ قانداي دايارلىقپەن اتتانىپ بارا جاتقانىن بايقادىق. ال الەم چەمپيوناتىندا ءبىز بارىنشا ناتيجەلى ونەر كورسەتۋ ءۇشىن بارىمىزدى سالامىز», – دەيدى قازاقستان قۇراماسىنىڭ باس باپكەرى كاكا.
ەستەرىڭىزگە سالا كەتەيىك, الەمدىك دودا 12 قىركۇيەك پەن 3 قازان ارالىعىندا ليتۆادا وتەدى. قازاقستاننىڭ فۋتزالشىلارى جارىس قوجايىندارى, كوستا-ريكا جانە ۆەنەسۋەلامەن ءبىر توپقا ءتۇستى.
