ءمينيستردىڭ ايتۋىنشا, پرەزيدەنت جولداۋىن ىسكە اسىرۋ جالپىۇلتتىق جوسپارىنىڭ ەكىنشى باعىتىندا 8 ءىس-شارانى ىسكە اسىرۋ كوزدەلگەن. اتاپ ايتقاندا, دۇنيەجۇزىلىك دەنساۋلىق ساقتاۋ ۇيىمى تىركەگەن ۆاكتسينالاردى ساتىپ الۋ جەدەلدەتىلەدى. مەديتسينالىق بۇيىمدارعا زەرتحانالىق جانە تەحنيكالىق سىناقتار جۇرگىزۋ ورتالىعىن قۇرۋ كوزدەلەدى.
«دەنى ساۋ ۇلت» ۇلتتىق جوباسى اياسىنا كەمىندە 12 سانيتاريالىق-ەپيدەميولوگيالىق ساراپتاما زەرتحاناسى جوعارى تەحنولوگيالىق جابدىقپەن قامتاماسىز ەتىلەدى. وتاندىق تاۋار وندىرۋشىلەرمەن وففتەيك-كەلىسىمشارتتاردىڭ كولەمى مەن نومەنكلاتۋراسى كەڭەيتىلەتىن بولادى», دەدى اسەت ەرعاليەۆ.
