سپورت • 05 قىركۇيەك، 2021

الدىڭعى جەتىستىگىمىزدى جاقسارتقان پاراليمپيادا

54 رەت كورسەتىلدى

جاپونيانىڭ باس شاھارى توكيودا وتكەن XVI جازعى پاراليمپيا ويىندارى ءوز مارەسىنە جەتتى. قازاقستاندىق پاراسپورتشىلار ەل تاريحىندا التىنشى پاراليمپياداعا قاتىسىپ، توكيو تورىنەن ەلگە تابىستى ورالدى. پاراليمپيادا تاريحىندا تۇڭعىش رەت ەلىمىزدەن 26 سپورتشى اتتانىپ، تاريحي ناتيجەگە قول جەتكىزدى. ياعني قازاقستان قۇراماسىنىڭ سپورتشىلارى ءبىر التىن، ءۇش كۇمىس جانە ءبىر قولا مەدال جەڭىپ الدى. ال مەدال جيىنتىعى بويىنشا جالپىكوماندالىق ەسەپتە 51-ورىننان كورىندى. سالىستىرمالى تۇردە ايتار بولساق، جەرلەستەرىمىز بەس جىل بۇرىن ريو پاراليمپياداسىندا 58-ورىنعا تابان تىرەگەن ەدى.

12 كۇنگە سوزىلعان پاراليم­پيا­دانىڭ ەكىنشى كۇنىندە توكيودان اقجولتاي حابار جەتتى. پاۋەر­ليفتينگتەن 54 كيلو سالماق دارەجەسىندە جارىس جولىنا شىققان وتانداسىمىز داۆيد دەگتيارەۆ قازاقستان قورجىنىنا التىن جۇلدەنى سالدى. سايىس ناتيجەسى بويىنشا داۆيد ءۇش مۇمكىندىگىندە 174 كيلو زىلتەمىردى ەش قيىندىقسىز ەڭ­سەرىپ، پاراليمپيادا چەمپيونى اتاندى. 1996 جىلى اقمولا وبلىسىنىڭ اتباسار قالاسىندا دۇنيەگە كەلگەن داۆيد دەگتيارەۆ پاۋەرليفتينگپەن 2016 جىلدان بەرى شۇعىلدانادى. ول 2021 جىلى تبليسيدە وتكەن الەم كۋبوگىندا 185 كيلونى ەڭسەرىپ، ازيا رەكوردىن جاڭارتقان بولاتىن. سونىمەن قاتار وسى سپورت تۇرىندە سىنعا تۇسكەن ريو پاراليمپياداسىنىڭ كۇمىس جۇلدەگەرى راۋشان قويشىباەۆا بۇل جولى جۇلدەگەرلەر قاتارىنا ىلىگە المادى.

كەيىنگى جارىس كۇندەرىندە قازاقستاندىق ءۇش پارادزيۋدوشى جارىستىڭ فينالىنا دەيىن جەتىپ، ۇشەۋى دە جارىستى كۇمىس جۇلدەمەن قورىتىندىلادى. اتاپ ايتار بولساق، 60 كيلودا بەلدەسكەن ءانۋار ساريەۆ فينالدا ازەربايجاندىق ۆۋگار شيرينليگە ەسە جىبەرسە، 73 كيلودا تاتاميگە شىققان تەمىر­جان داۋلەت التىن جۇلدە ءۇشىن وتكەن بەلدەسۋدە وزبەكستاندىق فەرۋز سايدوۆتان جەڭىلىپ قال­دى. ال قىزدار اراسىندا ونەر كورسەتكەن زارينا بايباتينا (70 كگ) فينالدىق سا­يىستا ازەر­باي­جاندىق دۋرساداف كاريموۆادان باسىم تۇسە المادى. وسىلايشا، ءۇش بالۋانىمىز كۇمىس جۇلدەگەر اتانىپ، مەرەيىمىزدى تاسىت-
تى.

سونىمەن قاتار پاراجۇ­زۋ­­شىلەرىمىز دە جۇلدەسىز قالمادى. ريو پاراليمپياداسىندا ءزۇلفيا عابيدۋللينا باستاپ بەرگەن جە­ڭىستى جولدى توكيودا نۇرداۋلەت جۇماعالي جالعادى. 100 مەترگە براسس ادىسىمەن جۇزۋدەن S-13 ساناتىندا (كوز جانارى زاقىم­دانعان) جەرلەسىمىز ءۇشىنشى ناتيجە كورسەتىپ، قولا جۇلدە ەن­شىلەدى. وكىنىشكە قاراي، پارا­ليمپيادا چەمپيونى ز.عابي­دۋللينا فينالدىق سايىسقا جول­داما العانىمەن، بۇل جولى جۇلدەگەرلەر قاتارىنان كورىنە المادى.

وسىلايشا، پاراليمپيادادان قازاقستان قۇراماسى ءوز تاريحىندا ءتورت مەدال يەلەنىپ، رەكورد ورناتتى. سونداي-اق جەرلەستەرىمىز ءبىرىنشى رەت جازعى ويىنداردىڭ تولىق مەدال (التىن، كۇمىس، قولا) جيىنتىعىن جەڭىپ الدى.

ايتا كەتەيىك، توكيودا قا­زاق­ستان قۇراماسىنىڭ 26 (10 ايەل، 16 ەركەك) سپورتشىسى سپورتتىڭ 7 تۇرىنەن باق سىنادى. ونىڭ ىشىندە ەڭ كوپ سپورتشى سۋدا ءجۇزۋ مەن دزيۋدودان (7 سپورتشى). سونىمەن قاتار ەلىمىزدىڭ سپورتشىلارى العاش رەت پاراكانوە مەن پارانىسانا كوزدەۋدەن جولداما يەلەنگەنىن اتاپ وتكەن ءجون.

ەندى كەلەسى پاراليمپيا ويىن­دارى ءۇش جىلدان كەيىن، ياعني 2024 جىلى پاريجدە (فرانتسيا) وتەدى.

سوڭعى جاڭالىقتار

تاۋەلسىزدىك تۇلعالارى

ەلوردا • بۇگىن، 09:16

ايدا – الەم چەمپيونى!

سپورت • بۇگىن، 09:14

الماتى قالاسى «سارى» ايماققا ءوتتى

كوروناۆيرۋس • بۇگىن، 09:09

«اق بيداي» ويىندارى اياقتالدى

ۇلتتىق سپورت • بۇگىن، 09:03

جاستار جاردەمى

ايماقتار • بۇگىن، 08:55

سەنىم ارت ماعان، تۋعان ەل!

ايماقتار • بۇگىن، 08:54

ساقتانعان ساۋ قالادى

مەديتسينا • بۇگىن، 08:47

وقۋشىلارعا اباي بولايىق

ايماقتار • بۇگىن، 08:42

بالقاشتان تۇز كوتەرىلۋ قاۋپى بار

ەكولوگيا • بۇگىن، 08:18

دامۋدىڭ سەنىمدى ىرگەتاسى

قازاقستان • كەشە

ءىنى-دوسقا ءىلتيپات حات

رۋحانيات • كەشە

اقتوبەدە كارانتين جەڭىلدەدى

كوروناۆيرۋس • كەشە

ۇقساس جاڭالىقتار