وبلىس اكىمى س.ترۇموۆتىڭ بايانداۋىنشا, بۇل زاۋىتتىڭ تەحنيكالىق-ەكونوميكالىق نەگىزدەمەسى جاسالدى. جوبانى ىسكە اسىراتىن «اقسۋ» مەكەمەسى قۇرىلدى. قۇنى 87 ملرد.تەڭگە بولاتىن جوبا تاۋلىگىنە 50 مىڭ تەكشە مەتر سۋ تۇششىتادى دەپ جوسپارلانىپ وتىر. كاسىپورىن ىسكە قوسىلعاندا 160 مىڭداي تۇرعىنى بار جاڭاوزەن قالاسىن ۇزدىكسىز سۋمەن قامتۋعا مۇمكىندىك بەرمەك. قازىر جوبانىڭ جوبالىق-سمەتالىق قۇجاتى جاساقتالۋدا. بۇل جۇمىس اياقتالعان سوڭ زاۋىت قۇرىلىسى باستالادى.
«كوپتەن كۇتكەن ماسەلەنىڭ شەشىلۋىنە جول اشقان مەملەكەت باسشىسىنا ماڭعىستاۋ جۇرتشىلىعىنىڭ اتىنان العىس ايتامىن», دەدى ءوڭىر باسشىسى.
