الايدا اقسۋ قالاسىنىڭ اكىمدىگىندە مۇنداي اقپاراتتىڭ شىندىققا ساي كەلمەيتىنىن حابارلادى.
- ەۆگەنەۆكاداعى جانۋارلاردىڭ جاپپاي قىرىلۋى تۋرالى اقپارات جالعان. اۋسىل دياگنوزىن قويۋ ازىرگە ەرتە. سەبەبى, بۇل اۋرۋعا ءتان كلينيكالىق بەلگىلەر بايقالمادى. ءىرى قارا مال اۋرۋىنىڭ فاكتىلەرى بولعان. بولجام بويىنشا «پاستەرەللەز» دياگنوزى قويىلعان, بۇعان قوسا, حيميالىق ۋلانۋ فاكتىسى دە جوققا شىعارىلمايدى. ۆەتەرينارلىق ماماندار تەراپەۆتىك شارالار جۇرگىزىپ, پاستەرەللەزدى سارىسۋ قولدانىلدى. بۇگىندە جانۋارلاردىڭ ساۋىعۋى بايقالادى جانە مال ءولىمى تىركەلگەن جوق, - دەپ جازىلعان حابارلامادا.
سونداي-اق اكىمدىكتە اۋىلدىق وكرۋگتە جوسپارلى ۆەتەريناريالىق ءىس-شارالار جۇرگىزىلىپ جاتقانىن جانە ەپيزووتيالىق جاعداي باقىلاۋدا ەكەنىن جەتكىزدى.
وبلىستىق ۆەتەريناريا باسقارماسى اۋىلدىق ايماقتا جانۋارلار شىنىمەن اۋرۋعا شالدىققانىن, بىراق بۇل اۋسىل ەمەس, پاستەرەللەز بولۋى مۇمكىن ەكەنىن حابارلادى.
سونداي-اق ساراپشىلار مالدىڭ حيميالىق پرەپاراتپەن ۋلانۋى مۇمكىن ەكەنىن دە جوققا شىعارمايدى. اۋرۋ جانۋارلارعا پاستەرەللەز سارىسۋى ەنگىزىلگەن سوڭ جاعداي وڭالىپ كەلەدى.
