دونالد ترامپءتىڭ بۇل تالابى New York Times گازەتىندە جاريالانعان ماتەريالدان كەيىن بەلگىلى بولدى. وندا ترامپ اكىمشىلىگى گارۆاردتان بۇرىن تالاپ ەتىلگەن 200 ملن دوللاردى تولەۋ جونىندەگى شارتتان باس تارتقان دەگەن اقپارات تاراعان ەدى.
ەسكە سالايىق, اق ءۇي باسشىسى گارۆارد ۋنيۆەرسيتەتىن انتيسەميتيزمگە قارسى كۇرەستى جەتكىلىكتى دەڭگەيدە جۇرگىزبەدى دەپ ايىپتاعان. وسىعان بايلانىستى ۋنيۆەرسيتەتكە شەتەلدىك ستۋدەنتتەردى قابىلداۋعا تىيىم سالىنعان, سونداي-اق ەكى ميلليارد دوللاردان استام مەملەكەتتىك قارجىلاندىرۋ توقتاتىلعان.
كەيىنىرەك گارۆارد تاراپى داۋدى كەلىسسوز ارقىلى رەتتەۋگە دايىن ەكەنىن بىلدىرگەنىمەن, تاراپتار ورتاق مامىلەگە كەلە المادى. قازىرگى تاڭدا ۋنيۆەرسيتەت باسشىلىعى ترامپتىڭ جاڭا تالابىنا قاتىستى رەسمي پىكىر بىلدىرگەن جوق.
بۇل جاعداي اقش-تاعى جوعارى ءبىلىم بەرۋ جۇيەسى مەن فەدەرالدىق بيلىك اراسىنداعى قارىم-قاتىناسقا قاتىستى پىكىرتالاستى ودان ءارى كۇشەيتىپ وتىر.
