«قازىرگى كونستيتۋتسيالىق رەفورما تابان استىنان پايدا بولعان جوق. بۇل – قازاقستاننىڭ 2022 جىلدان باستاپ قولعا العان كۇردەلى ساياسي وزگەرىستەرىنىڭ زاڭدى جالعاسى. ول كەزدە ەلىمىز ساياسي كۇيزەلىستەرسىز, بىرتىندەپ ەۆوليۋتسيالىق رەفورمالار جولىمەن العا جىلجىدى», دەدى دەپۋتات.
ەركىن ءابىل: تاريحي ساباقتاستىقتى كونستيتۋتسيادا بەكىتۋ – ۇلت جادىن قورعاۋ
نۇرلان اۋەسباەۆ ءبىر پالاتالى پارلامەنتكە قاتىستى سىننىڭ كۇشەيۋىن دە زاڭدى قۇبىلىس دەپ باعالادى. ونىڭ ايتۋىنشا, قوعام زاڭ شىعارۋشى ورگاننان تيىمدىلىك پەن جاۋاپكەرشىلىكتى تالاپ ەتە باستادى.
ء«بىز زاڭ شىعارۋشى بيلىكتىڭ كۇردەلى ءارى اۋىر جۇيەسىنەن باس تارتىپ, قوعام ءۇشىن قاراپايىم, تۇسىنىكتى جانە جاۋاپتى فورمالارىنا كوشۋ قاجەت دەپ ەسەپتەدىك. سوتسيال-دەموكراتتار ءۇشىن بۇل جاڭالىق ەمەس. 2013 جىلى قابىلدانعان پارتيا باعدارلاماسىندا ۋنيتارلى مەملەكەت ءۇشىن ەكىپالاتالى پارلامەنتتىڭ ءتيىمسىز ەكەنى ناقتى ءارى دايەكتى تۇردە ايتىلعان», دەدى ول.
دەپۋتاتتىق ساۋالدا جاڭا كونستيتۋتسيا جوباسىندا قوعامدىق ديالوگتى كۇشەيتۋگە باعىتتالعان بىرقاتار تەتىكتەر قاراستىرىلعانى اتاپ ءوتىلدى. اتاپ ايتقاندا, حالىق كەڭەسى فورماتىنداعى قوعامدىق ديالوگ الاڭىن قالىپتاستىرۋ, سونداي-اق ازاماتتاردىڭ جەكە ۇسىنىستارىن ەركىن بىلدىرۋىنە مۇمكىندىك بەرەتىن جوعارى كونسۋلتاتيۆتىك ورگان قۇرۋ ۇسىنىلعان. بۇل باستامالار قوعام مەن مەملەكەت اراسىنداعى بايلانىستى نىعايتۋعا باعىتتالعان.
جاڭا كونستيتۋتسيا جوباسىندا ازاماتتاردىڭ قۇقىعىن تسيفرلى ورتادا قورعاۋ نورماسى بەكىتىلدى
سونىمەن بىرگە جاڭا كونستيتۋتسيا جوباسىندا بيلىكتى ءبىر قولعا شوعىرلاندىرۋعا جول بەرمەيتىن ناقتى شەكتەۋلەر ەنگىزىلىپ وتىر. پرەزيدەنت وكىلەتتىلىگى ءبىر رەت قانا, جەتى جىلدىق مەرزىممەن بەكىتىلىپ, ۋاقىتشا وكىلەتتى تۇلعانىڭ قايتا سايلانۋ قۇقىعى الىنىپ تاستالعان. سونداي-اق كەلەسى پرەزيدەنتتىڭ كونستيتۋتسيانى وزگەرتۋ ماقساتىندا پارلامەنتتى تاراتۋ قۇقىعى نەگىزسىز دەپ تانىلعان.
ماقسات تولىقباي: جاڭا اتا زاڭنىڭ قازاق تىلىندەگى نۇسقاسى تولىقتاي قايتا جازىلدى
بەيبىت جينالىستار مەن ءسوز بوستاندىعىنا قاتىستى الاڭداۋشىلىققا دا دەپۋتات جەكە توقتالدى. ونىڭ ايتۋىنشا, جاڭا جوبا ازاماتتاردىڭ قۇقىقتارىن شەكتەۋدى كوزدەمەيدى. قۇجاتتا بەيبىت جينالىس وتكىزۋ ەركىندىگى, ءسوز بوستاندىعى جانە ءوز پىكىرىن ايتۋ قۇقىعى بۇرىنعى قالپىندا ساقتالىپ, تەك قۇقىقتىق تۇجىرىمدار ناقتىلانعان.
جالپىۇلتتىق سوتسيال-دەموكراتيالىق پارتيا (جسدپ) فراكتسياسى بۇل رەفورمانى ساياسي جاعدايعا بەيىمدەلۋ ەمەس, پارتيانىڭ جيىرما جىلعا جۋىق ۋاقىت بويى قورعاپ كەلگەن قاعيداتتارىنىڭ ىسكە اسۋى دەپ قابىلدايدى. دەپۋتاتتىڭ پىكىرىنشە, جاڭا كونستيتۋتسيا جوباسى قوعامنان شىققان ناقتى سۇرانىستارعا نەگىزدەلگەن, ال باستى مىندەت – رەفورمالاردىڭ مازمۇنىن ازاماتتارعا اشىق ءارى تۇسىنىكتى جەتكىزۋ.
