ۇلىتاۋ وبلىسىنىڭ پروكۋراتۋراسى ەكونوميكالىق تەرگەپ-تەكسەرۋ دەپارتامەنتىمەن بىرلەسىپ, ءوڭىر اۋماعىندا مارگانەتس كەنىن زاڭسىز ءوندىرۋدى ۇيىمداستىرعان قىلمىستىق تىزبەكتى اشكەرەلەدى. تەرگەۋ بارىسىندا قوستاناي وبلىسىنىڭ 50 جاستاعى تۇرعىنى 2020-2023 جىلدار ارالىعىندا جەر قويناۋىن پايدالانۋعا ليتسەنزياسى مەن كەلىسىمشارتى جوق بولسا دا «شىعىس قاراجال» كەن ورنىندا مارگانەتس كەنىن ءوندىرۋدى جولعا قويعانى انىقتالعان.
سونىمەن قاتار كۇدىكتى قولما-قول اقشاعا اينالدىرۋ تەتىكتەرىن پايدالانىپ, جالعان مامىلەلەر ارقىلى پايدالى قازبالاردى ساتۋدان تۇسكەن قىلمىستىق تابىستى زاڭداستىرعان. اتالعان كەزەڭدە 16 مىڭ توننادان استام كەن جونەلتىلىپ, مەملەكەتكە 1,3 ملرد تەڭگەدەن اسا زالال كەلتىرىلگەن.
قاراعاندى وبلىسىندا تەمىر رۋداسىن زاڭسىز ساۋدالاعاندار ۇستالدى
قىلمىستىق قىزمەت ناتيجەسىندە وڭدەلگەن تەمىر-مارگانەتس كەنىن ەل ىشىندە جانە شەتەلگە ساتۋ ارقىلى 3,5 ملرد تەڭگەدەن استام پايدا تابىلعان. تەرگەۋ ماتەريالدارىنا سايكەس, تابىس قىلمىستىق جولمەن الىنعان قاراجاتتى جاسىرۋ جانە اينالىمعا ەنگىزۋ ارقىلى كوبەيتىلگەن.
ءىس ۇلىتاۋ وبلىسىنىڭ سوتىندا قارالىپ, ايىپتالۋشى 5 جىل 4 اي مەرزىمگە باس بوستاندىعىنان ايىرىلدى. سونداي-اق جەر قويناۋىن پايدالانۋ سالاسىنداعى قىزمەتپەن اينالىسۋ قۇقىعىنان 5 جىلعا شەكتەلدى. مەملەكەت كىرىسىنە 4,8 ملرد تەڭگە ءوندىرىلىپ, قىلمىستىق جولمەن الىنعان قاراجاتقا ساتىپ الىنعان 3 جەڭىل جانە 2 جۇك اۆتوكولىگى تاركىلەندى.
تۇركىستاندا مۇناي ونىمدەرىن زاڭسىز اكەتكەندەرگە ايىپپۇل سالىندى
سوت ۇكىمى زاڭدى كۇشىنە ەندى.
ەسكە سالا كەتەيىك, بۇدان ەكى جىل بۇرىن ءدال وسىنداي وقيعا وسى ۇلىتاۋ وبلىسىندا تىركەلگەن.
