ءماجىلىس دەپۋتاتى ەركىن ءابىل تاريحي ساباقتاستىق مەملەكەتتىڭ ەڭ سەنىمدى تىرەگى ەكەنىن ايتتى. ونىڭ ايتۋىنشا, جاڭا كونستيتۋتسيا جوباسىندا بۇل ۇستانىمنىڭ الدىڭعى قاتاردا قاراستىرىلۋى ەلىمىزدىڭ مىڭجىلدىق دامۋ تاريحىن, ۇلتتىق مادەني كودىن جانە باسقارۋ تاجىريبەسىن قۇقىقتىق نەگىزدە ايقىندايدى.
توقاەۆ: ۇلى دالا زاڭىنا باس يگەن, ار-ۇياتتان اتتاماعان حالىقپىز
« ۇلى دالا» ۇعىمىنىڭ كونستيتۋتسيادا كورىنىس تابۋىن تاريحي ساباقتاستىقتى قۇقىقتىق دەڭگەيدە بەكىتۋدىڭ ناقتى دالەلى رەتىندە باعالادى. « ۇلى دالا» ۇعىمى ەموتسيالىق نەمەسە پوەتيكالىق تىركەس ەمەس. بۇل – قازاقستان مەملەكەتتىلىگىنىڭ تاريحي كەڭىستىگىن, مادەني كودىن جانە جاۋاپكەرشىلىك فيلوسوفياسىن بەينەلەيتىن ناقتى ۇعىم. تاريحي ساباقتاستىق ەلدىڭ وتكەنىن, بۇگىنىن جانە بولاشاعىن جالعايتىن قۇقىقتىق كوپىر ىسپەتتى», دەدى ە. ءابىل.
« ۇلى دالا فيلوسوفياسى جانە قۇقىقتىق مادەنيەت» حالىقارالىق سيمپوزيۋمى ءوتتى
ەركىن ءابىلدىڭ پىكىرىنشە, بۇل ۇستانىم ءوز ازاماتتارىمىزعا عانا ەمەس, حالىقارالىق قاۋىمداستىققا دا مەملەكەتتىڭ تەرەڭ تامىرىن, ۇلتتىق ءداستۇرىن جانە وركەنيەتتىك ساباقتاستىعىن ايقىن كورسەتەدى. ول تاريحي ساباقتاستىقتى كونستيتۋتسيالىق دەڭگەيدە بەكىتۋ حالىقارالىق تاجىريبەگە دە ساي كەلەتىنىن اتاپ ءوتتى.
«قىتاي, ۆەنگريا, پولشا, ليتۆا سەكىلدى مەملەكەتتەر ءوز كونستيتۋتسيالارىندا تاريحي ساباقتاستىقتى ۇلتتىق ەگەمەندىكتىڭ نەگىزى رەتىندە ناقتىلاعان. بۇل ەلدەر ونى قاۋىپ رەتىندە قابىلداعان جوق, كەرىسىنشە مەملەكەتتىڭ تۇتاستىعى مەن تۇراقتىلىعىن نىعايتا ءتۇستى», دەيدى دەپۋتات.
ەرلان قارين: ۇلى دالا – كوشپەندىلەر وركەنيەتىنىڭ التىن بەسىگى
ساۋالدا جاڭا كونستيتۋتسيادا مەملەكەتتىڭ ۋنيتارلى سيپاتىنىڭ ناقتىلانۋى دا ماڭىزدى وزگەرىس رەتىندە كورسەتىلگەن. قولدانىستاعى كونستيتۋتسياداعى «قازاقستان رەسپۋبليكاسى – پرەزيدەنتتىك باسقارۋ نىسانىنداعى ءبىرتۇتاس مەملەكەت» دەگەن تۇجىرىم جاڭا رەداكتسيادا «قازاقستان رەسپۋبليكاسى – ۋنيتارلى مەملەكەت. باسقارۋ ۇلگىسى – پرەزيدەنتتىك رەسپۋبليكا» دەپ ايقىندالۋى ۇسىنىلعان. بۇل نورما اۋماقتىق تۇتاستىقتى, قۇقىقتىق كەڭىستىكتىڭ بىرىزدىلىگىن جانە باسقارۋ جۇيەسىنىڭ ايقىندىعىن قامتاماسىز ەتۋگە باعىتتالعان دەيدى دەپۋتات پىكىرىنشە.
