تەننيس • 04 قىركۇيەك، 2021

قازاقستان بالالار قۇراماسى ازيا بىرىنشىلىگىنىڭ فينالدىق كەزەڭىنە جولداما الدى

32 رەت كورسەتىلدى

تاشكەنت قالاسىندا ورتالىق ازيا ايماعىندا 12 جاسقا دەيىنگى بالالار اراسىندا ازيا كوماندالىق بىرىنشىلىگىنىڭ ىرىكتەۋ كەزەڭى مارەگە جەتتى، دەپ حابارلايدى Egemen.kz قتف ءباسپاسوز قىزمەتىنە سىلتەمە جاساپ.

فينالدىق كەزەڭگە بەرىلەتىن قوس جولدامانى وزبەكستان، قازاقستان، قىرعىزستان جانە ءتاجىستان كوماندالارى ساراپقا سالدى. جارىس قورىتىندىسىندا قازاقستاندىق قىزدار قۇراماسى قىرعىزستاندى 3:0، ءتاجىستاندى 3:0 جانە سوڭعى كۇنى كورت يەلەرىن 3:0 ەسەبىمەن ۇتىپ، جەڭىمپاز اتاندى. قازاقستان قىزدار قۇراماسى ساپىندا ەۆا كورىشەۆا، ەركەجان جاڭاتاەۆا، ەۆەلينا بالاگانسكايا جانە انەليا نۇرقاەۆا (كاپيتان) ونەر كورسەتتى. ۇل بالالار قۇراماسى (ماديار تاعيبەكوۆ، روبەرت كامينسكي، روديون ترايگەل جانە كاپيتان ويبەك ابديراحيموۆ) قىرعىزستان مەن تاجىكستان تەننيسشىلەرىن تىزە بۇكتىرگەنىمەن، تارتىستى ماتچتا وزبەكستاندىقتارعا 1:2 ەسەبىمەن ەسە جىبەرىپ، ەكىنشى ورىنعا يە بولدى. وسىلايشا ەكى قۇراما دا فينالدىق كەزەڭگە جولداما الدى.

قازاقستان تەننيس فەدەراتسياسىنىڭ 10-14 جاستاعى بالالاردى دامىتۋ جانە باپكەرلەردى وقىتۋ جونىندەگى ۇيلەستىرۋشىسى شۋحرات كايۋموۆتىڭ ايتۋىنشا، بۇل – ۇلكەن تابىس. قىزدار وزدەرىنىڭ جوعارى شەبەرلىكتەرىن تانىتتى. ۇلداردان كوماندا كوشباسشىلارى ياروسلاۆ پشەنيچنىي، ميحايل ميششەنكو، مانسۇر سايىنوۆتىڭ بولماعانىنا قاراماستان، ولار دا بارىن سالدى.

سوڭعى جاڭالىقتار

جەتى ءتۇرلى ءسوز

ادەبيەت • كەشە

انتىنا ادال ازامات

قازاقستان • كەشە

ەلوردا كۇنىنە تارتۋ

تەاتر • كەشە

ۇقساس جاڭالىقتار