كەزدەسۋ بارىسىندا تاراپتار كورول ابداللا اتىنداعى اتوم جانە جاڭارتىلاتىن ەنەرگەتيكا جونىندەگى عىلىمي قالا (K.A. CARE) مەن قازاقستاندىق كومپانيالار, اتوم ەنەرگەتيكاسى جانە جاڭارتىلاتىن ەنەرگيا كوزدەرى سالاسىنداعى عىلىمي-زەرتتەۋ ينستيتۋتتارى مەن ورتالىقتار اراسىنداعى ەكى جاقتى ىنتىماقتاستىقتى كەڭەيتۋ جولدارىن تالقىلادى.
كەزدەسۋ بارىسىندا ەلشى K.A. CARE باسشىسىن قازاقستاندىق يادرولىق عىلىمنىڭ دامۋى مەن جەتىستىكتەرى جانە ەل تاۋەلسىزدىگىنىڭ 30 جىلى ىشىندە اتوم ەنەرگياسىن بەيبىت ماقساتتا پايدالانۋ تۋرالى حاباردار ەتتى, سونداي-اق سۇحباتتاسۋشىنى قر پرەزيدەنتى قاسىم-جومارت توقاەۆتىڭ «حالىق بىرلىگى جانە جۇيەلى رەفورمالار-ەلدىڭ وركەندەۋىنىڭ بەرىك نەگىزى» اتتى قازاقستان حالقىنا جولداۋىنىڭ نەگىزگى ەرەجەلەرىمەن تانىستىردى.
ەلشى جولداۋ اياسىندا مەملەكەت باسشىسى قازاقستاننىڭ ەنەرگەتيكالىق قاۋىپسىزدىگى ماسەلەلەرىنە ەرەكشە نازار اۋدارعانىن جانە ۇكىمەتتىڭ الدىنا قاۋىپسىز جانە ەكولوگيالىق اتوم ەنەرگەتيكاسىن دامىتۋ جونىندە بىرقاتار مىندەتتەر قويعانىن اتاپ ءوتتى.
بەرىك ارىن قازاقستاندىق تاراپتىڭ ساۋد ارابياسىمەن ەنەرگەتيكا سالاسىنداعى ءوزارا ءىس-قيمىلدى جانداندىرۋعا, سونداي-اق بۇرىن قول جەتكىزىلگەن ۋاعدالاستىقتاردى ىسكە اسىرۋ نيەتىن ءبىلدىردى. ءوز كەزەگىندە K.A. CARE باسشىسى قر پرەزيدەنتىنىڭ جولداۋىندا بەلگىلەنگەن ماقساتتارعا, باسىمدىقتار مەن مىندەتتەرگە جوعارى باعا بەرىپ, ەكى ەل مەن حالىقتاردىڭ مۇددەلەرىنە جاۋاپ بەرەتىن ەكىجاقتى ىنتىماقتاستىقتى ودان ءارى كەڭەيتۋگە دايىن ەكەندىگىن ايتتى.
سونداي-اق ح. ءال-سۇلتان قازاقستان اۋماعىندا ەلباسى باستاماسىمەن قۇرىلعان ماگاتە تومەن بايىتىلعان ۋران بانكىنىڭ قىزمەتىنە قىزىعۋشىلىق تانىتتى.
ايتا كەتسەك, K.A. CARE - ساۋد ارابياسىنداعى يادرولىق جانە جاڭارتىلاتىن ەنەرگەتيكا ماسەلەلەرىمەن اينالىساتىن ۇكىمەتتىك عىلىمي-زەرتتەۋ ۇيىمى. K.A. CARE كورولدىكتىڭ ەنەرگەتيكالىق سەكتورىنىڭ تۇراقتى دامۋىنا ۇلكەن ۇلەس قوسادى جانە اتوم ەنەرگياسىن بەيبىت ماقساتتاردا پايدالانۋ تەحنولوگيالارىن ەنگىزۋدە باستى ءرول اتقارادى.
